Jhone 5:3 - Tha Fower Gospels ïn Ulstèr-Scots 2021

³ Bïg nummers o disabelt fowk uist tae lie roon ït - tha blin, tha crippelt an tha paralysed, waitin on tha rummlin o tha wattèr.

Jhone 5:3 ပူးပေါင်းရင်းမြစ်များ

Mattha 15:30

An a wile thrang o fowk cum tae hïm, brïngin tha lameters, tha crippelt, blin fowk an dum fowk, an a hale lock o ithers, an the' leed thaim doon at hïs feet; an he made thaim weel agane.

Mattha 4:24

Wurd aboot hïm spreed aa ower Syria, an the' brocht tae hïm aa tha seeck fowk wi aa kines o disaises: thaim that wus tormentit, or bothert wi ïll spïrits, or tuk fïts, or fowk that wus paralysed, an he made thaim bettèr.

Luik 7:22

He toul Jhone's follaers, “Gang bak an gie Jhone an accoont o whut ye hae saen an heerd. Blin fowk can see noo, lameters can waak, fowk wi leprosie ir makkit weel. Deef fowk can hear. Tha deid leeve agane. An tha Guid News ïs praicht tae tha puir.

Jhone 5:2

Noo, alangside tha Sheep Gate ïn Jerusalem thair's thïs puil that gets tha name o Bethzatha ïn tha Aramaic tung. An ït haes five ruifed-ïn waak-wyes wi apen pillars richt roon ït.

Jhone 5:4

Fer an angel wud gae doon at a sartin time ïntae tha puil, fer tae rummle tha wattèr. Tha furst yin ïntae tha wattèr eftèr tha rummlin wus makkit weel o whutiver ailment he haed.