Jhone 5:20 - Tha Fower Gospels ïn Ulstèr-Scots 2021

²⁰ Fer tha Faither loves tha Sinn an shows hïm aa he daes. Ay, he'll show hïm even bïgger thïngs ner these, thïngs ower an abain aa ye cud tak ïn.

Jhone 5:20 ပူးပေါင်းရင်းမြစ်များ

Mattha 11:27

Ma Faither haes gien aa thïngs ower tae me, an naebodie unnèrstans tha Sinn apairt frae tha Faither, an naebodie unnèrstans tha Faither apairt frae tha Sinn, an whaiver tha Sinn wants tae reveal hïm tae.

Mattha 17:5

An he wus still taakin, whaniver a bricht clood cum roon thaim, an a voice frae tha clood saed, “Thïs ïs ma Sinn that A love; wi hïm A'm weel plaised. Lïsten tae hïm!”

Mattha 3:17

An a voice cum frae heiven sayin, “Thïs ïs ma Sinn, ma hairt's delicht; A'm weel plaised wi hïm.”

Mattha 4:8

An nixt thïng, tha Deil tuk hïm tae a bïg heich muntin an lut hïm see aa tha kïngdoms o tha warl ïn aa thair glorie.

Luik 10:22

Ma Faither haes gien aa thïngs ower tae me, an naebodie kens wha tha Sinn raelie ïs apairt frae tha Faither, an naebodie fu kens tha Faither apairt frae tha Sinn, an whaiver tha Sinn wants tae reveal hïm tae.”

Jhone 1:18

Naebodie haes iver saen God; ït ïs God's yae Sinn, wha bides ïn tha hairt o tha Faither, that haes showed hïm tae fowk.

Jhone 10:32

But Jesus toul thaim, “A hae showed ye onie amoont o guid warks wrocht bi tha Faither. Whut yin o thaim ir ye stanein me fer?”

Jhone 14:12

Noo here's tha truith o ït, oniebodie that pits thair faith ïn me wull dae tha same warks that A dae. Ay, an he'll dae faur bïgger thïngs ner thon, fer A'm gaun tae be wi ma Faither.

Jhone 15:15

Nae mair dae A caa yis sarvints, fer a sarvint daesnae ken ocht o whut hïs maistèr's at. Na, A hae caad yous freens acause iveriethin A hae lairnt frae ma Faither A hae taicht yous as weel.

Jhone 17:26

A hae showed ye tae thaim apenlie, an wull keep on makkin ye knowed tae thaim, sae as tha love ye hae fer me can be ïn thaim an that A can be ïn thaim masel.”

Jhone 3:35

Tha Faither loves tha Sinn an haes gien aa thïngs ïntae hïs han.

Jhone 5:21

Fer jist laik tha Faither rises tha deid an gies thaim life, sae tha Sinn gies life tae whaiver he plaises.

Jhone 5:25

Here's tha truith o ït: tha oor ïs cumin - ay, ït's cum noo! - whan tha deid wull hear tha voice o tha Sinn o God, an thaim that hears wull leeve.

Jhone 5:29

an cum oot o thair graves - thaim that haes daen guid wull be ris tae life, an thaim that haes daen ïll wull be ris tae damnation.