Jhone 5:19 - Tha Fower Gospels ïn Ulstèr-Scots 2021

¹⁹ Then Jesus toul thaim, “A'm tellin ye tha truith, tha Sinn can dae naethin on hïs ain, but onlie whut he sees hïs Faither dae; fer whutiver tha Faither daes, tha Sinn daes tae.

Jhone 5:19 ပူးပေါင်းရင်းမြစ်များ

Mattha 26:39

He gan forrit a weethin, then he bood doon wi hïs face tae tha grun an he prayed, “Ma Faither, ïf ït ïs poassible, may thïs cup o sufferin be tuk awa frae me. Yit ït's your wull A'm wantin, an no ma ain.”

Luik 21:15

Fer A wull pit tha richt wurds ïn yer mooth, an gie yis tha wut tae uise thaim, sae nane o yer enemies wull be able tae stan up tae yis, or say a wurd agin yis.

Jhone 10:18

Naebodie taks ït frae me, but A gie ït up o ma ain wull. A hae tha thortie tae gie ït up, an A hae tha thortie tae tak ït bak agane. Thïs ïs tha chairge A hae got frae ma Faither.”

Jhone 12:49

Fer A wusnae taakin on ma ain accoont, but tha Faither that sent me toul me whut tae say, an hoo tae say ït.

Jhone 12:50

An A know richt weel that hïs commauns aye róads tae iverlastin life. Sae ocht A say ïs jist whut tha Faither haes bïd me say.”

Jhone 14:10

Phïlip, dae ye no believe that A be ïn tha Faither an tha Faither's ïn me? Tha wurds A'm taakin til yis ir no jist ma ain. Na, ït's tha Faither, leevin ïn me, wha's daein hïs wark.

Jhone 2:19

Jesus gien thaim tha answer, “Fletten thïs temple, an ïn thrie days A wull rise ït agane.”

Jhone 3:3

Jesus saed bak tae hïm, “A'm tellin ye tha truith, naebodie wull see tha Kïngdom o God, ïf he ïsnae boarn agane.”

Jhone 5:21

Fer jist laik tha Faither rises tha deid an gies thaim life, sae tha Sinn gies life tae whaiver he plaises.

Jhone 6:38

Fer A'm no cum frae heiven tae dae ma ain wull, but tae dae tha wull o hïm that sent me.

Jhone 8:28

Sae Jesus saed, “Whan ye hae lïftit up tha Sinn o Man, then ye wull ken that A am tha yin A saed A wus, an that A dae naethin ava on ma ain, but gie wurd o whut tha Faither haes tocht me.

Jhone 9:4

Whan ït's daylicht, we maun dae tha wark o hïm that sent me. Nicht ïs cumin whan naebodie can wark.