Jhone 21:12 - Tha Fower Gospels ïn Ulstèr-Scots 2021

¹² Jesus saed tae thaim, “Cum on an hae yer brekfast.” Nane o tha follaers dar ax hïm, “Wha ir ye?” The' knowed ït wus tha Loard.

Jhone 21:12 ပူးပေါင်းရင်းမြစ်များ

Mattha 22:46

An naebodie haed a wurd tae say bak tae hïm, an frae that day on naebodie wud dar ax hïm onie mair questions.

Mairk 9:32

But the' cudnae unnèrstan whut he wus mainin, an the' wur feart tae ax hïm aboot ït.

Luik 9:45

But the' dïdnae unnèrstan whut he wus sayin, an the' cudnae fethom ït oot; yit the' wur feart tae ax hïm whut he meent.

Jhone 16:19

Jesus saa the' wur lukkin tae ax hïm aboot ït aa, sae he saed tae thaim, “Ir ye speerin yin anither aboot me sayin, ‘In a wee while ye'll see me nae mair, an then eftèr anither wee bït, yis wull see me’?

Jhone 21:11

Simon Petèr climmed aboord an dregged tha neyt tae tha shore. It wus fu o bïg fïsh, a hunnèr an fïftie-thrie o thaim, but tha mair ït haed sae monie, ït wusnae tore.

Jhone 21:15

Whaniver the' wur daen aitin, Jesus saed tae Simon Petèr, “Simon, sinn o Jhone, dae ye love me mair ner aa these ither yins dae?” “Ay Loard,” qo he, “ye ken that A love ye.” Jesus saed, “Luk eftèr ma lambs.”

Jhone 4:27

Jist then hïs follaers cum bak, an the' wur stoondit that Jesus wus taakin wi a wumman. But naebodie axt hïm, “Whut dae ye want wi hir?” or “Whut ir ye daein taakin tae hir?”