Jhone 19:9 - Tha Fower Gospels ïn Ulstèr-Scots 2021

⁹ an he tuk hissel bak ïntae tha palace. “Whar dae ye cum frae?” he axt Jesus, but Jesus niver saed a wurd.

Jhone 19:9 ပူးပေါင်းရင်းမြစ်များ

Mattha 26:63

But Jesus hel hïs tung. An tha Heich Preesht saed tae hïm, “A chairge ye unnèr oath bi tha leevin God - tell iz ïf ye ir tha Christ, tha Sinn o God.”

Mattha 27:27

Then tha Guviner's sodgers tuk Jesus ïntae tha Praetorium an the' gethert tha hale regiment roon hïm.

Luik 23:9

Sae he axt Jesus a hale lock o questions, but Jesus niver saed a wurd bak.

Jhone 18:28

An sae tha Jews convoyed Jesus frae Caiaphas tae tha palace o tha Roman Guviner. Bi noo ït wus earlie ïn tha moarnin, an sae as tae keep thairsels richt an no be sullied, tha Jews wudnae gang ower tha palace dure; the' wantit tae be fït tae ait tha Passower.

Jhone 18:33

Wi that Pilate went bak ben tha palace, sent fer Jesus, an axt hïm, “Ir you tha Kïng o tha Jews?”

Jhone 18:34

“Wud that be a notion o yer ain?” Jesus answert, “Or haes ithers bin taakin til ye aboot me?”

Jhone 18:37

“Sae ye wud be a kïng, then!” saed Pilate. Jesus answert, “Ye'r richt eneuch sayin A'm a kïng. As a mettèr o fect, tha raison A wus boarn, an fer why A cum ïntae tha warl, wus tae gie wutness tae tha truith. Iveriebodie that's on fer tha truith taks tent o whut A say.”

Jhone 19:10

“Ir you refusin tae taak tae me?” qo Pilate, “Dae ye no unnèrstan A hae tha pooer tae let ye oot or tae nail ye up on a cross?”

Jhone 19:8

Whaniver Pilate heerd that, he wus aa tha mair feart,

Jhone 8:14

But Jesus cum bak wi thïs: “Tha mair A gie ma ain testimonie, ma testimonie stans, fer A ken whar A cum frae an whar A'm gaun. But yous hae nae notion o whar A hae cum frae, or whar A'm gaun.