Jhone 19:4 - Tha Fower Gospels ïn Ulstèr-Scots 2021

⁴ Yinst mair Pilate cum oot an toul tha Jews, “Luk see, A'm brïngin hïm oot til ye an A'm tellin yis agane that A can fin nae gruns fer a chairge agin hïm.”

Jhone 19:4 ပူးပေါင်းရင်းမြစ်များ

Mattha 27:19

Noo as Pilate wus sïttin on tha judge's sait, hïs wife sent hïm thïs message: “Hae naethin tae dae wi thon innocent man, fer A'm tellin ye, A'm sair tormentit thïs day bi a draim A haed aboot hïm!”

Mattha 27:24

Whaniver Pilate saen that he wus gettin naewhar, but that he wus aboot tae hae a riot on hïs hans, he got some wattèr an waasht hïs hans afore tha crood o fowk. “A'm no guiltie o thïs man's bluid,” saed he. “On your heids be ït!”

Mattha 27:4

“A hae daen wrang,” saed he, “fer A hae bethrayed tha bluid o an innocent man.” “Whut's that tae us?” the' saed. “On yer ain heid be ït!”

Mattha 27:54

Tha centurion an thaim alang wi hïm that wus gairdin Jesus, whaniver the' saa tha irthquake an aa that haed happent, the' wur hairt-scarred, an the' saed, “Thair can be nae doot, thïs wus tha Sinn o God!”

Luik 23:4

Then Pilate saed tae tha heid preeshts an tha thrang o fowk, “A cannae fin oniethin agin thïs man!”

Luik 23:41

We ir jist gettin whut we desarve fer whut we hae daen. But thïs man haes daen naethin wrang ava!”

Luik 23:47

Noo whan tha centurion saen whut wus daen, he gien glorie tae God, an saed, “Thon man wus a guid man, that's fer shair!”

Jhone 18:33

Wi that Pilate went bak ben tha palace, sent fer Jesus, an axt hïm, “Ir you tha Kïng o tha Jews?”

Jhone 18:38

“An whut wud tha truith be?” axt Pilate. An wi that he went oot agane tae tha Jews an toul thaim, “A can fin nae grun fer a chairge agin hïm.

Jhone 19:6

Tha mïnit tha heid preeshts an tha Temple gairds saa hïm, the' shoutit oot, “Crucyfie hïm! Crucyfie hïm!” But Pilate answert, “Weel, yous can crucyfie hïm yersels, fer A can fin nae gruns fer a chairge agin hïm.”