Jhone 18:4 - Tha Fower Gospels ïn Ulstèr-Scots 2021

⁴ But Jesus knowed fine weel whut aa wus fer happenin tae hïm, sae he cum forrit an axt thaim, “Wha ir ye eftèr?”

Jhone 18:4 ပူးပေါင်းရင်းမြစ်များ

Mattha 16:21

Frae that time on Jesus stairtit tae mak ït clear tae hïs follaers that he maun gae tae Jerusalem, an he maun suffer monies a thïng at tha hans o tha eldèrs, tha heid preeshts an tha maistèrs o tha Laa. He toul thaim that he maun be püt tae deith an be ris up tae life on tha thurd day.

Mattha 26:2

“Ye ken tha Passower ïs tha day eftèr themorra, an tha Sinn o Man wull be hannit ower fer tae be nailt tae a cross.”

Mattha 26:21

An while the' wur aitin, he saed, “A tell ye tha truith, yin o yis ïs fer bethrayin me.”

Mattha 26:31

An then Jesus toul thaim, “Thïs verie nicht al o yis wull faa awa on accoont o me, fer as ït's writ: ‘A wull strike tha shepherd, an tha sheep o tha flock wull be scattèrt.’

Luik 24:44

Then he saed tae thaim, “Thïs ïs whut A toul ye whaniver A wus still amang yis, that aa tha thïngs that wur writ doon consarnin me ïn tha Laa o Moses, tha Proaphits an tha Psaums maun cum aboot.”

Jhone 13:1

Noo tha Passower Faist wus nearhan, an Jesus knowed that tha time wus cum fer hïm tae lea thïs warl an gang til tha Faither. Haein loved hïs ain that wus ïn tha warl, noo he apent up tae thaim tha fu meesure o hïs love.

Jhone 13:11

Fer he knowed wha wud bethray hïm, an that wus fer why he saed that no iverie last yin o thaim wus clain.

Jhone 18:5

“Jesus o Nazareth,” the' reponed. “A be hïm,” qo he. (An Judas tha bethrayer wus stud thonner alang wi thaim.)

Jhone 18:7

Yinst mair he axt thaim, “Wha ir ye eftèr?” An the' saed, “Jesus o Nazareth.”

Jhone 19:28

Eftèr thïs, knowin ïn hissel that iveriethin wus noo feenished, an sae as whut wus writ ïn tha Scrïptures micht cum aboot, Jesus saed, “A hae a druith on me.”

Jhone 6:64

Yit thair's yins amang ye that dïnnae believe.” Fer Jesus knowed richt frae tha stairt whut yins o thaim wudnae believe an wha ït wus that wud bethray hïm.