Jhone 17:21 - Tha Fower Gospels ïn Ulstèr-Scots 2021

²¹ that the' wull aa be yin, Faither, jist laik you ir ïn me an A be ïn you. Let thaim be ïn iz as weel, sae that tha warl micht believe that ye hae sent me.

Jhone 17:21 ပူးပေါင်းရင်းမြစ်များ

Mairk 3:24

If a kïngdom ïs divïd agin ïtsel, ït maun faa sinnerie.

Jhone 10:16

A hae ither sheep that daesnae belang tae thïs ree. A maun brïng thaim forbye. The'll tak heed o ma voice anaa, an thair wull be yin hirsle an yin shepherd.

Jhone 10:30

Me an tha Faither ïs yin.”

Jhone 10:38

But ïf A dae thaim, tha mair ye dïnnae believe whut A tell ye, jist believe whut tha warks thairsels tells ye. That wye yis'll unnèrstan fer shair that tha Faither ïs ïn me, an me ïn tha Faither.”

Jhone 11:42

Ye hear me ayewyes, A know that; but A hae saed aa thïs fer tha guid o tha fowk stud here. Sae the' micht believe that you sent me.”

Jhone 13:32

An ïf God gets tha glorie on accoont o hïs Sinn, God wull gie glorie tae tha Sinn forbye, an He'll dae ït strecht awa!

Jhone 13:35

An ïf ye love yin anither, tha hale warl wull see that ye'r ma follaers.”

Jhone 17:11

A wull bide ïn tha warl nae lang'r, but they ir ïn tha warl yit, an A'm fer cumin tae you. Halie Faither, luk eftèr thaim bi tha pooer o yer name - tha name ye gien me - sae the' can be yin laik we be yin.

Jhone 17:18

Laik ye sent me ïntae tha warl, A hae sent thaim ïntae tha warl.

Jhone 17:20

Ma prayer ïsnae jist fer these follaers thairsels. A mak a prayer forbye fer aa thaim at wull cum tae believe bi wye o thair message;

Jhone 17:25

O Faither, you that aye daes whut's richt, tha mair tha warl daesnae ken ye, A ken ye; an these follaers o mine ken that ye hae sent me.

Jhone 17:3

Noo thïs ïs ayelastin life: that the' can know you, tha yin true God, an Jesus Christ, that ye hae sent.

Jhone 17:8

Fer A gien thaim tha wurds ye gien tae me an the' tuk thaim tae hairt. Weel the' wut that A cum frae you, an the' believe that ye sent me.

Jhone 3:17

Fer God niver sent hïs Sinn ïntae tha warl fer tae judge ït, but rether fer tae save ït.

Jhone 5:23

That aa micht gie honour tae tha Sinn, jist as the' gie honour tae tha Faither. Hïm that daesnae honour tha Sinn, daesnae honour tha Faither that sent hïm.