Jhone 17:1 - Tha Fower Gospels ïn Ulstèr-Scots 2021

¹ Eftèr these wurds, Jesus lukt up abain tae heiven. “Faither”, he saed, “tha time ïs cum. Gie glorie tae yer Sinn, sae as yer Sinn can gie glorie bak tae yersel.

Jhone 17:1 ပူးပေါင်းရင်းမြစ်များ

Mairk 14:41

Yit a thurd time he cum bak, an he saed tae thaim, “Ir yis aye sleepin, an aye takkin yer rest? That's eneuch noo! Luk, tha oor haes cum, an tha Sinn o Man ïs bethrayed ïntae tha hans o wrangdaers.

Luik 18:13

But tha tex man stud awa bak, an wudnae as much as lïft hïs een tae heiven, but he bate hïs breesht ïn sorra, an saed, ‘O God, hae mercie on me, fer A'm naethin but a sïnner!’

Luik 22:53

Whan A wus wi yis iverie day ïn tha Hoose o God, yis niver layed a fïng'r on me. But thïs ïs tha time fer yous tae ect; tha pooer o dairkness ïs ower yis noo.”

Jhone 11:4

Whaniver Jesus heerd tell o ït, he saed, “Thïs ailment wull no enn up wi hïm deein. Na, ït's fer tha glorie o God, an fer tha Sinn o God tae get tha glorie oot o ït.”

Jhone 11:41

Sae the' shïftit tha stane, an Jesus lukt up tae heiven abain an he saed, “Faither, A gie ye thenks that ye hae heerd me.

Jhone 12:23

Tha answer Jesus gien wus thïs: “Noo's tha time fer tha Sinn o Man tae cum ïntae hïs glorie.

Jhone 13:1

Noo tha Passower Faist wus nearhan, an Jesus knowed that tha time wus cum fer hïm tae lea thïs warl an gang til tha Faither. Haein loved hïs ain that wus ïn tha warl, noo he apent up tae thaim tha fu meesure o hïs love.

Jhone 16:32

“But tha day wull cum - an ïn fect ït's here noo - whaniver ye'll be skailt, iverie yin o yis tae yer ain hame. Yis'll lea me aa on ma ain. Yit A'm no ma lane, fer ma Faither ïs wi me.

Jhone 7:30

Eftèr that, the' haed a mine tae grup Jesus, but niver tha yin layed a han on hïm, fer hïs oor haednae cum yit.

Jhone 7:39

He wus taakin here aboot tha Spïrit, that hïs follaers wud be gien latèr on. Up tae noo tha Spïrit wusnae gien, fer Jesus haednae cum ïntae hïs glorie yit.

Jhone 8:20

He telt thaim aa thïs whaniver he wus lairnin fowks ïn tha Temple yaird, nearhan tha kïst fer tha offerins. Aa tha same, naebodie layed a fïng'r on hïm, fer hïs time wusnae cum yit.