Jhone 15:24 - Tha Fower Gospels ïn Ulstèr-Scots 2021

²⁴ If A haednae daen wunnèrfu warks amang thaim laik naebodie else daen, the' wudnae be guiltie o sïn. But the' hae saa thaim, an still an aa, the' hae haitit baith me an ma Faither.

Jhone 15:24 ပူးပေါင်းရင်းမြစ်များ

Mattha 11:5

Blin fowk can see noo, lameters can waak, fowk wi leprosie ir made weel. Deef fowk can hear. Tha deid leeve agane. An tha Guid News ïs praicht tae tha puir.

Mattha 21:32

Fer Jhone cum fer tae show ye tha wye o righteousness, an ye dïdnae believe hïm, but tha tex men an tha weemen wi a baad name, they dïd. An even eftèr ye saa thïs, ye dïdnae repent an believe hïm.

Mattha 9:33

An Jesus driv oot tha ïll spïrit, sae tha man that wus dum cud noo spake. Tha crood o fowk wus dumfoonèrt an saed, “We niver saen tha laiks o thïs ïn Israel afore!”

Mairk 2:12

Richt awa, up he got, gethert up hïs mat an waakit oot ïn front o thaim aa. Iveriebodie thocht that thïs wus a wunnèrfu sicht an gien glorie tae God, an saed, “We hae niver saen tha laik o thïs afore!”

Luik 24:19

Saed he tae thaim, “Whut thïngs?” An the' saed, “Dïd ye no hear aboot Jesus o Nazareth, a proaphit, michtie ïn hïs wurds an daeins afore God an aa tha fowk?

Jhone 10:32

But Jesus toul thaim, “A hae showed ye onie amoont o guid warks wrocht bi tha Faither. Whut yin o thaim ir ye stanein me fer?”

Jhone 10:37

If A'm no daein tha thïngs ma Faither daes, then dïnnae believe me.

Jhone 12:10

Sae tha heid preeshts collogued thegither tae kïll Lazarus as weel,

Jhone 12:45

Hïm that sees me, sees tha Yin that sent me.

Jhone 14:9

Jesus answert, “Dae ye no ken me Phïlip, tha mair A hae bin amang yis aa thïs time? Oniebodie lukkin at me haes saen tha Faither. Sae hoo can ye say, ‘Show iz tha Faither’?

Jhone 15:21

The'll dail wi ye thon wye acause o ma name, fer the' dïnnae ken tha Yin that sent me.

Jhone 15:22

If A haednae cum an taakt tae thaim, the' wudnae be guiltie o wrangdaein. Hooaniver, the' hae nae caa fer thair sïn noo!

Jhone 15:23

Hïm that haits me haits ma Faither forbye.

Jhone 16:9

Anent sïn, becas the' dïnnae believe ïn me;

Jhone 3:2

He cum tae Jesus at nicht an saed, “Rabbi, we ken ye'r a taicher that haes cum frae God, fer naebodie cud wark these signs ye ir daein ïf God wusnae wi hïm.”

Jhone 5:36

But A hae testimonie that houls mair wecht ner Jhone's. Fer tha verie wark that tha Faither haes gien me tae feenish, that's whut A am aboot noo, an ït's wutness tae yin an aa that tha Faither haes sent me.

Jhone 6:36

But laik A telt ye, tha mair ye hae saen me, yis dïnnae believe.

Jhone 7:31

Wi aa that, monie o tha fowk püt thair faith ïn hïm. An the' saed, “Whaniver Messiah cums, dae ye thïnk he wud dae onie mair mïraclis signs ner thïs man?”

Jhone 9:32

Frae tha warl begun, ye niver heerd tell o summodie apenin tha een o a man boarn blin, dïd ye?

Jhone 9:41

Jesus telt thaim, “Weel, ïf yis wur blin, ye wudnae be guiltie o sïn; but noo yis mak oot ye can see, yer guilt bides on ye.”