Jhone 14:7 - Tha Fower Gospels ïn Ulstèr-Scots 2021

⁷ If ye knowed me weel, ye wud ken ma Faither as weel. Frae noo on, yis dae ken hïm an yis hae saa hïm forbye!”

Jhone 14:7 ပူးပေါင်းရင်းမြစ်များ

Mattha 11:27

Ma Faither haes gien aa thïngs ower tae me, an naebodie unnèrstans tha Sinn apairt frae tha Faither, an naebodie unnèrstans tha Faither apairt frae tha Sinn, an whaiver tha Sinn wants tae reveal hïm tae.

Luik 10:22

Ma Faither haes gien aa thïngs ower tae me, an naebodie kens wha tha Sinn raelie ïs apairt frae tha Faither, an naebodie fu kens tha Faither apairt frae tha Sinn, an whaiver tha Sinn wants tae reveal hïm tae.”

Jhone 1:18

Naebodie haes iver saen God; ït ïs God's yae Sinn, wha bides ïn tha hairt o tha Faither, that haes showed hïm tae fowk.

Jhone 15:24

If A haednae daen wunnèrfu warks amang thaim laik naebodie else daen, the' wudnae be guiltie o sïn. But the' hae saa thaim, an still an aa, the' hae haitit baith me an ma Faither.

Jhone 16:3

An the' wull dae tha laik o thon becas the' hinnae knowed tha Faither ner me.

Jhone 17:21

that the' wull aa be yin, Faither, jist laik you ir ïn me an A be ïn you. Let thaim be ïn iz as weel, sae that tha warl micht believe that ye hae sent me.

Jhone 17:23

Me ïn thaim, an you ïn me. Let thaim be aa yin thegither as a wutness tae tha hale warl that you sent me, an loved thaim jist laik you hae loved me.

Jhone 17:26

A hae showed ye tae thaim apenlie, an wull keep on makkin ye knowed tae thaim, sae as tha love ye hae fer me can be ïn thaim an that A can be ïn thaim masel.”

Jhone 17:3

Noo thïs ïs ayelastin life: that the' can know you, tha yin true God, an Jesus Christ, that ye hae sent.

Jhone 17:6

“A hae made ye known tae thaim that ye gien me oot o thïs warl. The' wur yours, ye gien thaim tae me, an the' hae kep yer wurd.

Jhone 17:8

Fer A gien thaim tha wurds ye gien tae me an the' tuk thaim tae hairt. Weel the' wut that A cum frae you, an the' believe that ye sent me.

Jhone 6:46

Naebodie haes iver saen tha Faither apairt frae tha yin that's alang wi God; ït's jist hïm haes saen tha Faither.

Jhone 8:19

An sae the' axt hïm, “Whar's yer Faither at?” “Ye nether know me ner ma Faither,” qo Jesus. “If ye knowed me, ye wud know ma Faither forbye.”