He gan forrit a weethin, then he bood doon wi hïs face tae tha grun an he prayed, “Ma Faither, ïf ït ïs poassible, may thïs cup o sufferin be tuk awa frae me. Yit ït's your wull A'm wantin, an no ma ain.”
Naebodie taks ït frae me, but A gie ït up o ma ain wull. A hae tha thortie tae gie ït up, an A hae tha thortie tae tak ït bak agane. Thïs ïs tha chairge A hae got frae ma Faither.”
Noo tha Passower Faist wus nearhan, an Jesus knowed that tha time wus cum fer hïm tae lea thïs warl an gang til tha Faither. Haein loved hïs ain that wus ïn tha warl, noo he apent up tae thaim tha fu meesure o hïs love.