Jhone 13:21 - Tha Fower Gospels ïn Ulstèr-Scots 2021

²¹ Eftèr he saed that, Jesus's spïrit wus gye vext; then he stapt an cum oot wi thïs: “A'm tellin ye strecht, yin o yis ïs fer bethrayin me!”

Jhone 13:21 ပူးပေါင်းရင်းမြစ်များ

Mattha 26:21

An while the' wur aitin, he saed, “A tell ye tha truith, yin o yis ïs fer bethrayin me.”

Mattha 26:38

Then he saed tae thaim, “Ma hairt's brekkin wi ang'uish, near tae deith. Yous bide here an stye awaak wi me.”

Mairk 14:18

As the' wur lyin at tha boord an aitin, Jesus saed, “A tell ye tha truith, yin o yis that's suppin wi me noo ïs fer bethrayin me.”

Mairk 3:5

He turnt roon an gien thaim an ang'rie luk, an at tha same time he wus vext the' wur that haird-hairtit. He saed tae tha man, “Streetch oot yer han!” Sae he streetcht ït oot, an hïs han cum as guid as tha ither yin.

Jhone 11:33

Whan Jesus saa hir greetin, an aa tha Jews that wur cum alang wi hir greetin forbye, he wus vext ïn hïs spïrit, an he wus hairt sair.

Jhone 11:35

Wi that, Jesus begun tae greet.

Jhone 11:38

Jesus cum tae tha tomb an hïs hairt wus troublet agane. It wus a cave wi a stane püt ower ïts mooth.

Jhone 12:27

An noo ma hairt ïs sair annoyt; whut am A tae say? ‘Faither, save me frae thïs oor’? Na, fer ït wus fer thïs verie raison that A'm cum tae thïs oor.

Jhone 13:18

A'm no taakin aboot yis aa; A ken thaimins A hae waaled. But thïs ïs tae brïng aboot whut's writ doon ïn tha halie Scrïptures: ‘Hïm that shares ma breid wi me haes turnt agin me.’

Jhone 13:2

Supper wus gettin püt oot, an tha deil haed aareadie püt tha thocht ïntae tha hairt o Judas Iscariot, sinn o Simon, tae bethray Jesus.

Jhone 13:22

Hïs follaers jist gaukt at yin anither. Whutch yin o thaim wus he taakin aboot?