Jhone 12:43 - Tha Fower Gospels ïn Ulstèr-Scots 2021

⁴³ Fer the' wur mair keen on bein weel thocht o bi men ner bi God.

Jhone 12:43 ပူးပေါင်းရင်းမြစ်များ

Jhone 5:44

Yis ir content eneuch tae tak praise frae yin anither, yit yis mak nae effort tae get tha praise that cums frae tha yin an ainlie God? Sae nae wunnèr yis cannae believe me!

Jhone 5:41

Tha praise o man mains naethin tae me.

Luik 16:15

But he saed tae thaim, “Yous ir tha yins that try tae prove yersels richt ïn tha sicht o fowk, but God knows whut's ïn yer hairts, fer tha thïngs that's tarrible weel thocht o bi men wud be a scunnèr tae God.

Mattha 6:2

Sae, whan ye gie ocht tae tha needie, dïnnae soon tha trumpet, tha wye tha hippycrates daes ïn tha Meetin Hooses an on tha streets, fer tae be weel thocht o. A tell ye tha truith, the' hae got aa tha reward the'ir gaun tae get.

Jhone 12:26

Oniebodie that wants me as thair maistèr maun follae me; an whar A'm at, ye'll fin ma sarvint thonner forbye. Ma Faither wull gie honour tae hïm that sarves me.

Jhone 8:54

Jesus reponed, “If A gie masel tha glorie, thon glorie mains naethin. Ma Faither, that yous mak oot ïs your God, he's tha yin at gies me tha glorie.

Luik 19:17

‘Weel daen!’ saed tha kïng. ‘Ye ir a guid sarvint. Ye hae showed A can trust ye ïn wee thïngs. A'll gie ye ten cïties tae rin!’

Jhone 7:18

Hïm that gies oot hïs ain thochts daes ït fer hïs ain glorie. But hïm that daes ït fer tha glorie o tha yin that sent hïm, he's a man o truith; thair's nae lees aboot hïm ava.