Jhone 12:27 - Tha Fower Gospels ïn Ulstèr-Scots 2021

²⁷ An noo ma hairt ïs sair annoyt; whut am A tae say? ‘Faither, save me frae thïs oor’? Na, fer ït wus fer thïs verie raison that A'm cum tae thïs oor.

Jhone 12:27 ပူးပေါင်းရင်းမြစ်များ

Mattha 11:25

At that time Jesus saed, “Faither, Loard o heiven an irth, A praise ye that ye hae kep these thïngs frae clivir an warlie-wise fowk, an made thaim clear eneuch fer weans tae unnèrstan.

Mattha 11:26

Ay, Faither, ït haes plaised ye tae dae ït thïs wye.

Mattha 26:42

He went awa a saicont time an he prayed, “O ma Faither, ïf thair's naethin else fer ït, an ïf A hae tae drïnk thïs cup o sufferin, may your wull be daen.”

Mattha 26:45

Then he cum bak tae hïs follaers an he saed tae thaim, “Ir yis still sleepin an takkin yer rest? But luk here - tha time haes cum. Tha Sinn o Man ïs bethrayed ïntae tha hans o wrangdaers.

Luik 22:44

An bein ïn a wile agonie, Jesus prayed mair an mair frae tha hairt, tae tha sweit wus faain aff hïm tae tha grun, laik bïg draps o bluid.]

Luik 22:53

Whan A wus wi yis iverie day ïn tha Hoose o God, yis niver layed a fïng'r on me. But thïs ïs tha time fer yous tae ect; tha pooer o dairkness ïs ower yis noo.”

Jhone 11:41

Sae the' shïftit tha stane, an Jesus lukt up tae heiven abain an he saed, “Faither, A gie ye thenks that ye hae heerd me.

Jhone 12:23

Tha answer Jesus gien wus thïs: “Noo's tha time fer tha Sinn o Man tae cum ïntae hïs glorie.

Jhone 13:21

Eftèr he saed that, Jesus's spïrit wus gye vext; then he stapt an cum oot wi thïs: “A'm tellin ye strecht, yin o yis ïs fer bethrayin me!”

Jhone 18:37

“Sae ye wud be a kïng, then!” saed Pilate. Jesus answert, “Ye'r richt eneuch sayin A'm a kïng. As a mettèr o fect, tha raison A wus boarn, an fer why A cum ïntae tha warl, wus tae gie wutness tae tha truith. Iveriebodie that's on fer tha truith taks tent o whut A say.”