Jhone 12:26 - Tha Fower Gospels ïn Ulstèr-Scots 2021

²⁶ Oniebodie that wants me as thair maistèr maun follae me; an whar A'm at, ye'll fin ma sarvint thonner forbye. Ma Faither wull gie honour tae hïm that sarves me.

Jhone 12:26 ပူးပေါင်းရင်းမြစ်များ

Mattha 16:24

Then Jesus saed tae hïs follaers, “If oniebodie wants tae follae eftèr me, he maun ferget aboot hissel aathegither, tak up hïs cross an stïck clase tae me.

Mattha 25:21

Hïs maistèr saed, ‘Ye hae daen weel, ye guid an faithfu sarvint! Ye hae showed A can trust ye wi wee thïngs, sae A'll pit ye ïn chairge o a hale lock mair. Cum alang wi me, an share yer maistèr's happiness!’

Mairk 8:34

Then he caad tha crood thegither alang wi hïs follaers an saed, “If oniebodie's lukkin tae follae me, he maun ferget aboot hissel aathegither, tak up hïs cross an stïck clase tae me.

Luik 12:37

Whaniver tha maistèr cums, blisst ir tha yins he fins watchin an waitin. A tell yis thïs, he'll get hissel readie, sït thaim doon, an he hissel wull sarve thaim, an lea tha mait oot afore thaim.

Luik 6:46

An why caa me ‘Loard, Loard’, an no dae whut A say?

Luik 9:23

An he saed tae thaim aa, “If oniebodie wants tae follae eftèr me, he maun ferget aboot hissel aathegither, tak up hïs cross iverie day, an stïck clase tae me.

Jhone 10:27

Ma sheep hears ma caa; A ken thaim, an the' follae me.

Jhone 13:16

Here's tha truith o ït. Nae sarvint ïs bïgger ner hïs maistèr, an hïm at brïngs a message ïsnae bïgger ner tha yin that sent hïm.

Jhone 14:15

If ye love me, ye wull dae whut A bïd ye.

Jhone 14:3

An whaniver A hae got a place readie fer ye, A'll cum an tak yis bak alang wi me, sae that whar A be, we'll aa be thegither.

Jhone 15:20

Hae mine o tha wurds A telt ye: ‘Nae sarvint ïs bïgger ner hïs maistèr.’ If the' haed ït ïn fer me, the'll hae ït ïn fer you forbye. If the' daen ma bïddin, the' wull dae yours as weel.

Jhone 17:24

Faither, A'm lukkin fer thaim that ye gien me tae be wi me whar A am tae be, an tae see ma glorie, tha glorie ye hae gien me acause ye loved me afore tha warl wus stairtit.

Jhone 21:22

Jesus answert, “If A want hïm tae leeve richt up tae tha day A cum bak, whut's ït tae dae wi you? Jist you follae me.”