Jhone 12:23 - Tha Fower Gospels ïn Ulstèr-Scots 2021

²³ Tha answer Jesus gien wus thïs: “Noo's tha time fer tha Sinn o Man tae cum ïntae hïs glorie.

Jhone 12:23 ပူးပေါင်းရင်းမြစ်များ

Mattha 25:31

An Jesus went on tae say thïs, “Whaniver tha Sinn o Man cums ïn hïs glorie, an aa tha angels alang wi hïm, he'll sït on hïs throne ïn heivenlie glorie.

Mattha 26:45

Then he cum bak tae hïs follaers an he saed tae thaim, “Ir yis still sleepin an takkin yer rest? But luk here - tha time haes cum. Tha Sinn o Man ïs bethrayed ïntae tha hans o wrangdaers.

Mairk 14:35

An gaun forrit a weethin he cast hissel tae tha grun, an he prayed that, ïf poassible, tha oor o sufferin micht gang bye hïm.

Mairk 14:41

Yit a thurd time he cum bak, an he saed tae thaim, “Ir yis aye sleepin, an aye takkin yer rest? That's eneuch noo! Luk, tha oor haes cum, an tha Sinn o Man ïs bethrayed ïntae tha hans o wrangdaers.

Jhone 12:16

At tha stairt, hïs follaers dïdnae unnèrstan aa thïs. It wusnae tae eftèr Jesus cum ïntae hïs glorie that the' twigged that thaim thïngs wus writ aboot hïm an haed happent tae hïm.

Jhone 12:27

An noo ma hairt ïs sair annoyt; whut am A tae say? ‘Faither, save me frae thïs oor’? Na, fer ït wus fer thïs verie raison that A'm cum tae thïs oor.

Jhone 13:1

Noo tha Passower Faist wus nearhan, an Jesus knowed that tha time wus cum fer hïm tae lea thïs warl an gang til tha Faither. Haein loved hïs ain that wus ïn tha warl, noo he apent up tae thaim tha fu meesure o hïs love.

Jhone 7:39

He wus taakin here aboot tha Spïrit, that hïs follaers wud be gien latèr on. Up tae noo tha Spïrit wusnae gien, fer Jesus haednae cum ïntae hïs glorie yit.