Jhone 10:25 - Tha Fower Gospels ïn Ulstèr-Scots 2021

^25-26 Jesus reponed, “A hae aareadie toul ye, but yis dïnnae believe me. Tha warks A dae ïn ma Faither's name baks me up, but tha raison yis dïnnae believe me ïs that ye'r no ma sheep.

Jhone 10:25 ပူးပေါင်းရင်းမြစ်များ

Jhone 10:32

But Jesus toul thaim, “A hae showed ye onie amoont o guid warks wrocht bi tha Faither. Whut yin o thaim ir ye stanein me fer?”

Jhone 10:37

If A'm no daein tha thïngs ma Faither daes, then dïnnae believe me.

Jhone 10:38

But ïf A dae thaim, tha mair ye dïnnae believe whut A tell ye, jist believe whut tha warks thairsels tells ye. That wye yis'll unnèrstan fer shair that tha Faither ïs ïn me, an me ïn tha Faither.”

Jhone 11:47

An sae tha heid preeshts an tha Pharisees caad tha Cooncil thegither. “Is thïs no a hanlin? Whut'll we dae?” the' axt. “Fer thon man's daein a hale wheen o mïraclis signs.

Jhone 12:37

Tha mair Jesus wrocht aa thae mïraclis signs afore thaim, the' still wudnae believe ïn hïm.

Jhone 14:11

Tak ma wurd fer ït whaniver A say that A be ïn tha Faither an tha Faither ïs ïn me; or at tha laist, trust me acause o tha warks yis hae saen me daein.

Jhone 20:30

Noo Jesus wrocht a hale wheen o ither mïraclis signs ïn front o hïs follaers that's no bin recoardit ïn thïs here buik.

Jhone 3:2

He cum tae Jesus at nicht an saed, “Rabbi, we ken ye'r a taicher that haes cum frae God, fer naebodie cud wark these signs ye ir daein ïf God wusnae wi hïm.”

Jhone 7:31

Wi aa that, monie o tha fowk püt thair faith ïn hïm. An the' saed, “Whaniver Messiah cums, dae ye thïnk he wud dae onie mair mïraclis signs ner thïs man?”

Jhone 8:12

Whaniver Jesus taakt agane wi tha fowk, he toul thaim, “A be tha licht o tha warl. Whaiver follaes me wull no waak ïn tha dairk onie mair, but the' wull hae tha licht o life.”

Jhone 8:24

A toul ye that yis wud dee ïn yer sïns; fer less ye lippen that A be tha yin that A say that A am, yis'll dee ïn yer sïns fer shair.”

Jhone 8:56

Yer faither Abraham wus fu o joy at tha thocht o seein ma day cum; he saa ït an wus hairt gled.”

Jhone 8:58

“A'm tellin ye tha truith,” answert Jesus, “afore iver Abraham wus boarn, A be!”