Wusyep bwore tikin Mak 9:42 - Urat New Testament

⁴² Jisas plihe ŋanange taꞌe leꞌe, “Ŋaiye miyeꞌ ende ka ende lahmalaih ende leꞌe ŋaiye ŋoihmbwaip kin teŋeime ŋam no, ka tumbe e oto hwap pe, ki bwore tikin ŋaiye lenge miyeꞌ ka yupwaiꞌe ŋeser embere yil wonge kin pe, ka yiche kin yi juh loh pinip no, ka ole.

Wusyep bwore tikin Mak 9:42 ပူးပေါင်းရင်းမြစ်များ

Matyu 17:27

Kom yukur kin bwore ŋaiye ya mende tinge ka ŋoihmbwaip pupwa me poi. Taꞌe luku pe, na el pinip umun pe, na iche mwah el guh pinip. Ŋuyoꞌ ŋendehei ŋaiye na kete unuh pe, na ambaꞌe aŋal mar ŋuyoꞌ uku pe, na etekeꞌe wuhyau ŋeser silwa ende ka tihiꞌ el oto. Na ambaꞌe wuhyau uku pe, na el angang lenge ende naŋ poi berei.”

Matyu 18:10

“Yukur pa ŋoiheryembe nange pa bep juhme talah ende leꞌe nange kin pupwa luh paka pakaiye. Pakai. Ŋam mana yip, lenge walip hlaꞌ tititinge ilyeh ilyeh ŋaiye yarp yanah moihlaꞌ pe, nye nyermbe walip hlaꞌ tinge ya jan ŋembep tikin Yai ŋam ŋaiye narp nanah moihlaꞌ.”

Matyu 18:6

Jisas plihe ŋanange na, “Ŋaiye lahende ka ende lenge talah ende ŋaiye ŋoihmbwaip tinge si teŋeime ŋam ka tumbe ŋaiye yende hwap pe, ki bwore tikin ŋaiye somohon ka yupwaiꞌe ŋeser embere yil wonge kin pe, ka yiche yil juh loh pinip mondom ŋaiye ka ole.

Aposel 9:4

Kin tambe na gah kekep pe, kin ŋasande diꞌ miyeꞌ ende ŋaname kin na, “Sol, Sol! Detaꞌe lai ti nin ŋende yumbune ŋam?”

Pol nainge tup nal lenge Rom 14:13

Taꞌe luku pe, yukur ya miyarꞌe lenge Kristen toꞌ tatai. Yukur ya mende ŋaiꞌe ŋaiꞌe syeꞌ ŋaiye ka ende lenge toꞌ tatai ŋaiye ka tumbe hwap, na pakai.

Pol nainge tup nal lenge Rom 15:21

Wusyep ŋaiye sai nato Tup pe, ki ŋanange taꞌe leꞌe, Lahmende miyeꞌ tuweinge ŋaiye yukur somohon yisande wusyep sikirp me kin pe, ka yetekeꞌe kin. Topoꞌe lahmende ŋaiye yukur yisande naŋ kin pe, tinge ka sisyeme kin.

Pol nainge tup nal lenge Rom 16:17

Ŋam manange wusyep bongol malme yip lenge toꞌ tatai ŋam. Ŋembep yip ka gondoume lenge mitiŋ ŋaiye ka yute yininge wusyep tetehei pupwa yende yumbune wusyep bwore ŋaiye yip si yisande pe, ka yoworꞌe lenge miyeꞌ tuweinge ŋaiye yarp yoto sios. Yil wohme lenge mitiŋ ŋaiye taꞌe luku.

2 Korin 6:3

Poi aposel gwarnge ŋaiye lenge mitiŋ ka yininge wusyep pupwa me wah ŋaiye poi mende. Taꞌe luku pe, poi yukur gwande yaŋah ŋaiye yende lenge miyeꞌ tuweinge ka tuhwarme wah ŋaiye poi mende, pakai.

Filipai 1:10

Taꞌe luku pe, pa se yetekeꞌe yoworme ŋaimune ŋaiye bwore miꞌ supule topoꞌe pupwa. Pe ŋoihmbwaip yip ka bwore bwarme no, yip pa bwore miꞌ supule pe, ka si e tutume ŋupe ŋaiye Krais ka ot.

1 Timoti 5:14

Taꞌe luku pe, ŋam masande ŋaiye lenge tuweinge simbihyeꞌ ŋaiye ŋope, ka yindiꞌe miyeꞌ pe, ka yaraꞌe talah no, ka bepyeteme yokoh tititinge ilyeh ilyeh tongonose. Ŋaiye ka yende tuꞌe luku pe, lenge wachaih yukur tatame ŋaiye ka yininge wusyep tule poi, pakai.

2 Pita 2:2

Topoꞌe lenge miyeꞌ tuweinge wula wula ka yende ŋaiꞌe ŋaiꞌe pupwa junde ŋoihmbwaip homboꞌe lenge jetmam uku. Lenge mitiŋ syeꞌ ka yetekeꞌe pupwa lenge miyeꞌ homboꞌe luku pe, tinge ka jonombaiꞌe yaŋah mise ŋaiye jande Got.