Wusyep bwore tikin Mak 6:56 - Urat New Testament

⁵⁶ Luh luh ŋaiye kin nal, ŋaiye moi malaih ende, lakai moi embere ende pe, lenge mitiŋ yember lenge miyeꞌ tuweinge ŋaiye yende wahriꞌ epwa yal moi windau ŋaiye mitiŋ jahilyeh. Pe tinge yisilih yisilihme Jisas bongol nange ka osme lenge mitiŋ ŋaiye yende wahriꞌ epwa ka yusuwaꞌe temhroŋ syum kin no, wahriꞌ epwa tinge ka miꞌe. Miyeꞌ tuweinge lalme yende taꞌe luku pe, tinge tahar bwore.

Wusyep bwore tikin Mak 6:56 ပူးပေါင်းရင်းမြစ်များ

Matyu 14:36

Tinge yisilihme Jisas bongol na, “Tatame ŋaiye lenge mitiŋ ŋaiye yende wahriꞌ epwa ka yusuwaꞌe temhroŋ syum nin?” Taꞌe luku pe, lenge miyeꞌ tuweinge lalme ŋaiye yende wahriꞌ epwa yende jande luku pe, wahriꞌ epwa tinge miꞌe ko.

Matyu 9:20

O tuwei ende, wahriꞌ epwa wundehei ti sai nye nyermbe na tatame wahtaip syepumbur umbur hoi. Ti wat sehei me teket Jisas pe, ti wusuwaꞌe temhroŋ syum tikin Jisas.

Wusyep bwore tikin Mak 3:10

Kin ginyenme wahriꞌ epwa lenge mitiŋ wula wula pe, lenge mitiŋ wula ŋaiye wahriꞌ epwa sai me tinge titingirh titingirh yale yat nange ka yusuwaꞌe kin.

Wusyep bwore tikin Mak 6:55

Taꞌe luku pe, lenge miyeꞌ jertenge yalꞌe yalꞌe ya yoto moi ilyeh ilyeh tongonose yana lenge miyeꞌ tuweinge. Nilyehe sai tinge yisande naŋ Jisas pe, tinge yambaꞌ lenge miyeꞌ tuweinge wahriꞌ epwa yikil ya yanah luh yenge yat moi ŋaiye tinge yisande nange Jisas narp.

Wusyep bwore tikin Luk 22:51

Jisas ŋana lenge na, “Sikei no! Pa yende tuꞌe liki, na pakai.” Miꞌe pe, ki ŋusuwaꞌe mungwim miyeꞌ wah uku pe, ki plihe bwore.

Wusyep bwore tikin Luk 8:44

Ti wat teket me Jisas wate wusuwaꞌe temhroŋ syum kin pe, nilyehe sai wahriꞌ epwa wundehei ti miꞌe.

Aposel 4:12

Got yukur nalaŋatme miyeꞌ ende ŋaiye ka ungwisme poi. Jisas kin ŋilyeh ŋahwikin ŋaiye Got si nalaŋatme pe, kin ŋilyehe sai tatame ŋaiye ka ungwisme poi.”

Aposel 4:9

Ŋaiye tukwini poi gwan wusyep nange ya mini yip ŋaimune tehei ŋaiye poi ŋoihginirme miyeꞌ lupu nule no, ki tahar bwore pe,

Aposel 5:15

Lenge miyeꞌ tuweinge Jerusalem topoꞌe moi syeꞌ ŋaiye sai siheime, yasande ŋaimune ŋaiye lenge aposel tikin Jisas yende. Taꞌe luku pe, tinge yikirh lenge mitiŋ ŋaiye yende wahriꞌ epwa embere, topoꞌe tinge yenge lenge mitiŋ ŋaiye yipihinge pupwa gahanahme tinge yat. Tinge yangaraꞌ luh yember lenge yanar yaŋah pe, tinge yasande nange Pita ka ende miꞌme wahriꞌ epwa tinge. O syeꞌ ŋoihyeryembe nange yipihinge kin tatame ka hlaime tinge pe, wahriꞌ epwa tinge ka miꞌe. Taꞌe luku pe, lenge mitiŋ lalme ŋaiye yende wahriꞌ epwa, topoꞌe lenge mitiŋ ŋaiye yipihinge pupwa gahanahme tinge, tinge lalme si tahar bwore.