Wusyep bwore tikin Mak 5:15 - Urat New Testament

¹⁵ Tinge yatme Jisas pe, tinge yetekeꞌe miyeꞌ ŋaiye sekeime yipihinge pupwa yarp kin. Kom miyeꞌ uku kin dendeꞌ temhroŋ pe, ŋoihmbwaip kin si bwore. Taꞌe luku pe, tinge hiꞌjarnge ŋembere sekete.

Wusyep bwore tikin Mak 5:15 ပူးပေါင်းရင်းမြစ်များ

Matyu 12:29

Lahende yukur tatame ŋaiye ka se oworꞌe e oto yukoh tikin miyeꞌ bongol ende no, ka ambaꞌe ŋaiꞌe ŋaiꞌe kin lalme. Kom ŋendehei ka hihwai upwaiꞌe miyeꞌ bongol uku yer ti, ka se ambaꞌe ŋaiꞌe ŋaiꞌe lalme ŋaiye ŋanar yukoh kin.

Matyu 26:53

Taꞌe yip yukur sisyeme ŋaiye ŋam tatame ma gwil misilihme Yai ŋam ŋaiye ka ember lenge walip hlaꞌ wula wula sekete ŋaiye ka yute yungwis ŋam yurmbe lakai?

Matyu 4:24

Wusyep ŋaiye wah kin sisil nalꞌe nalꞌe nato provins Siria. Taꞌe luku pe, lenge miyeꞌ tuweinge yenge lenge mitiŋ ŋaiye wahriꞌ epwa tetehei ŋende yumbune tinge no, tinge yasande syohe pupwa. Lenge miyeꞌ tuweinge ŋaiye yipihinge pupwa gahanahme tinge, topoꞌe lenge mitiŋ ŋaiye yambaꞌe wahriꞌ epwa ŋaiye ŋihip syep dolndol no, tinge tambe. Topoꞌe lenge mitiŋ ŋaiye lupu tinge nule. Pe Jisas ŋende miꞌme wahriꞌ epwa tinge lalme.

Matyu 9:33

Kom ŋupe ŋaiye Jisas ginyenme yipihinge pupwa luku tas nal pe, miyeꞌ uku tatame ka ininge wusyep. Pe lenge miyeꞌ tuweinge luku ŋoiheryembe wula wula pe, tinge yanange na, “Poi yukur somohon metekeꞌe ŋai taꞌe leꞌe sai nato Israel.”

Wusyep bwore tikin Mak 5:14

Lenge miyeꞌ ŋaiye yembepeteme lenge hroꞌ uku jarnge yal moiye moiye pe, tinge yana lenge miyeꞌ tuweinge jande ŋaiꞌe ŋaiꞌe ŋaiye tinge si yetekeꞌe. Taꞌe luku pe, lenge mitiŋ yate yetekeꞌe ŋai uku jah hiꞌ.

Wusyep bwore tikin Mak 5:16

Lahmende ŋaiye yetekeꞌe ŋai uku pe, tinge plihe ya yana lenge miyeꞌ tuweinge syeꞌ me ŋaimune ŋaiye si ŋende me miyeꞌ uku ŋaiye yipihinge pupwa si narp kin topoꞌe lenge hroꞌ.

Wusyep bwore tikin Mak 5:18

Sehei ŋaiye Jisas nala el unuh loumbil pinip pe, miyeꞌ ŋaiye somohon yipihinge pupwa yarp kin nate ŋisilihme Jisas na, “Iyai ŋam, ŋam da mil topoꞌe nin.”

Wusyep bwore tikin Mak 5:9

Pe Jisas ŋisilihme kin na, “Naŋ nin lahmende?” Pe miyeꞌ uku nungwisme na, “Naŋ ŋam Ami. Ki taꞌe leꞌe, poi yipihinge wula wula sekete.”

Wusyep bwore tikin Luk 10:39

Maria, toꞌ titi Mata, warp siheime ŋihip Jisas wasande wusyep ŋaiye ki ŋanange.

Wusyep bwore tikin Luk 8:27

Pe ŋupe ŋaiye tinge ya jere pinip tikih no, Jisas nase loumbil pinip nate gah pe, miyeꞌ ende natme kin. Somohonme ŋaiye miyeꞌ uku ter narp moi kin pe, yipihinge pupwa wula wula jah yanah me kin nye nyermbe. Taꞌe luku pe, lenge miyeꞌ moi uku yember kin ya yoto mwahupwaiꞌe, topoꞌe yenge merkinip yupwaiꞌe ŋihip syep kin. Kom lenge yipihinge pupwa ŋaiye jah yanah me kin jirnjir merkinip uku pe, tinge yenge kin yal luh moi ŋaiye mitiŋ pakai. Pe kin narp mondom samale nato ŋeser map ŋaiye tinge yinise lenge miyeꞌ yule. Jisas ŋisilihme miyeꞌ uku naŋ kin pe, ki ŋanange na, “Naŋ ŋam Wula Wula.” Detale yipihinge pupwa wula wula si jah yanah me kin. Pe Jisas bemberer lenge yipihinge pupwa ŋaiye ka tus yupwaihme kin. Taꞌe luku pe, ki tambe na gah ŋihip Jisas ŋilil tambah marnge ŋanange na, “Jisas, Lahmiyeꞌ tikin Got Na Nah Hlaꞌ Supule, nin de na ende tuꞌe lai me ŋam? Yukur na ende yumbune ŋam, na pakai!”

Kolosi 1:13

Kin si nambaꞌe poi nenge tupwaihme bongol tikin Satan ŋaiye yepelmbe pe, kin nenge poi nato lemame Talah kitikin ŋaiye kin ŋende nihararme.

2 Timoti 1:7

Detale, Yohe Yirise ŋaiye Got pwal poi pe, yukur ki yipihinge, ŋaiye ka ende poi ya hiꞌ gwirnge, pakai! Kin Yipihinge tikin, ŋaiye ŋende bongolme ŋoihmbwaip poi, topoꞌe kin nungwisme poi, ŋaiye ya mende niharar lenge mitiŋ. Topoꞌe kin nungwisme poi, ŋaiye ya bepmeteme marp potopoi bworerme.