Wusyep bwore tikin Mak 4:1 - Urat New Testament

¹ Ŋup ende Jisas narp nal pinip umun tikih pe, kin ŋana lenge wusyep. Kom lenge miyeꞌ tuweinge wula wula sekete jahilyeh yoyorꞌme kin pe, kin plai nanah narp loumbil pinip. Loumbil uku tahaiꞌ nal pinip umun sehei me tikih, kut lenge miyeꞌ tuweinge yarp kekep sehei me pinip.

Wusyep bwore tikin Mak 4:1 ပူးပေါင်းရင်းမြစ်များ

Wusyep bwore tikin Mak 2:13

Jisas plihe nal tas pinip umun tikih Galili pe, lenge miyeꞌ tuweinge wula wula yate yetekeꞌe kin pe, kin nalaŋatme lenge wusyep Got.

Wusyep bwore tikin Mak 3:7

Jisas nenge lenge jetalah kin jah pinip umun Galili. Kom lenge miyeꞌ tuweinge wula wula nal distrik Galili, Judia, Jerusalem, Idumea, Tair, Saidon topoꞌe miyeꞌ tuweinge nal mih umbur Jordan, yisande wah ŋaiye Jisas ŋende pe, tinge yasme moi tinge yatme kin.

Wusyep bwore tikin Mak 3:9

Taꞌe luku pe, Jisas ŋana lenge jetalah kin na, “Yi yambaꞌe loumbil pinip ende yenge me ŋam yut. Detale, lenge mitiŋ wondoh embere leꞌe yate tupuꞌ tupuꞌ jan sehei me ŋam.”

Wusyep bwore tikin Mak 4:36

Pe tinge yasme miyeꞌ tuweinge wula wula ko, tinge ya yanah loumbil pinip ŋaiye Jisas narp pe, tinge yal. O lenge mitiŋ syeꞌ ŋaiye yarp pinip umun tikih uku plihe plai yanah loumbil pinip tinge pe, tinge jande kin yal.

Wusyep bwore tikin Mak 5:2

Pe Jisas tahar nase loumbil pinip nat pe, kin ŋetekeꞌe miyeꞌ ende ŋaiye nye nyermbe kin narp ŋeser map pe, kin nata etekeꞌe Jisas. Miyeꞌ uku yipihinge pupwa si gahanahme kin.

Wusyep bwore tikin Mak 5:21

Jisas plihe nerŋe nal pinip umun nal pe, kin nal narp pinip umun tikih pe, mitiŋ wula wula yate yarp yonyorꞌme kin.