Wusyep bwore tikin Mak 15:19 - Urat New Testament

¹⁹ Pe tinge yambaꞌe winje ende yenge jate ŋondoh kin, topoꞌe tinge chusyur tuhwaꞌ yalahe. Topoꞌe tinge yisarꞌe ŋihip mbep me kin, topoꞌe yende ŋai taꞌe ŋaiye yaŋaꞌe naŋ embere yalme kin.

Wusyep bwore tikin Mak 15:19 ပူးပေါင်းရင်းမြစ်များ

Matyu 27:30

Tinge chusyur tuhwaꞌ yalahe topoꞌe tinge yosoihme wunje pe, tinge plihe jate Jisas jah ŋondoh.

Wusyep bwore tikin Mak 10:34

Lenge miyeꞌ uku ka yinime wusyep hiꞌe, ka chusyur tuhwaꞌ yalahe, ka yenge mwah yonombe yararahe, topoꞌe ka yonombe ka ole. Nal ŋaiye ŋup hun kin pe, ka plihe tuhur.”

Wusyep bwore tikin Mak 14:65

Taꞌe luku pe, lenge mitiŋ syeꞌ chusyur tuhwaꞌ yalahe Jisas, topoꞌe tinge yenge ŋaiyuwat yupwaiꞌe ŋembep kin pe, tinge yonombe. Tinge yiname na, “Ni te ininge wusyep profet ende!” Topoꞌe lenge kokorohtup lenge Juta yangalai syep jate.

Wusyep bwore tikin Mak 15:18

Miꞌe pe, tinge yiname taꞌe leꞌe, “Ŋau bwore iyai, kiŋ titinge lenge Juta!”

Wusyep bwore tikin Mak 15:20

Ŋupe ŋaiye tinge yaname wusyep hiꞌe tale naŋ kin miꞌe pe, tinge yungul temhroŋ yaihe luku, kut tinge plihe jahme temhroŋ kitikin. Miꞌe pe, tinge yenge kin yal ŋaiye ka yuluwei kin yil loutungwarmbe.

Wusyep bwore tikin Mak 9:12

Jisas nungwisme wusyep tinge na, “Hei, liki ki mise. Elaija ka ot yer ŋaiye ka ende miꞌmiꞌ me ŋaiꞌe ŋaiꞌe. Kom detaꞌe laime wusyep ŋaiye sai nato Tup tikin Got ŋanange ŋaiye Talah tikin Miyeꞌ ka ambaꞌe nihe syohe embere embere, topoꞌe lenge miyeꞌ tuweinge ka yinime wusyep hiꞌe me kin.

Wusyep bwore tikin Luk 22:63

O ŋup uku pe, lenge kokorohtup yanange wusyep pupwa yende wime Jisas, topoꞌe yerŋeme ŋaiyuwat yal tatme ŋembep kin ti, tinge yonombe kin. Pe tinge yisilih na, “Ŋaiye nin profet mise pe, ni te ini poi na, lahmende yambe.”

Wusyep bwore tikin Luk 23:11

Herot topoꞌe lenge miyeꞌ wondoh kin yanange wusyep pupwa yende wime Jisas topoꞌe jonombaiꞌe kin. Miꞌe pe, tinge jahme temhroŋ sokoloh ŋaiye miꞌ supule taꞌe kiŋ pe, tinge yember kin plihe yalme Pailat.

Wusyep bwore tikin Luk 23:36

Lenge miyeꞌ wondoh topoꞌe yende wime kin, topoꞌe tinge yaŋaꞌe pinip wain telei ŋaiye si ŋenyene.

Pol nainge tup nal lenge Rom 11:4

Got nungwisme wusyep kin taꞌe la? Kin ŋaname taꞌe leꞌe, Lenge miyeꞌ syeꞌ ŋam tanam pe, wutuꞌ tinge tatame 7,000. Tinge lenge miyeꞌ uku yukur yisarꞌe ŋihip mbep me got homboꞌe Bal ŋaiye tinge yirisukwarme ti.

Filipai 2:10

Topoꞌe nato naŋ Jisas pe, lenge mitiŋ lalme ŋaiye yarp ya yanah moihlaꞌ, gah kekep, topoꞌe ŋaiye yarp moi lenge miyeꞌ tuweinge ŋaiye si yule ka yasarꞌe ŋimbep me kin.

Hibru 13:13

Taꞌe luku pe, poi ya mi tus wicherꞌ pe, ya milme Jisas pe, ya mambaꞌe hiꞌe tuꞌe ŋaiye kin nambaꞌe.