Wusyep bwore tikin Mak 14:27 - Urat New Testament

²⁷ Jisas ŋana lenge lalme na, “Yip lalme pa jirnge yusme ŋam. Detale, wusyep sai nato tup ŋanange taꞌe leꞌe, Ŋam ma monombe miyeꞌ embepteme sipsip pe, lenge sipsip ka jirnge tangalai yiyilꞌe.

Wusyep bwore tikin Mak 14:27 ပူးပေါင်းရင်းမြစ်များ

Matyu 11:6

Lenge miyeꞌ tuweinge ŋaiye yukur yasme ŋoihmbwaip tinge ŋaiye teŋeime ŋam pe, Got ka ŋoih miꞌmiꞌ me tinge.”

Matyu 26:31

Miꞌe pe, Jisas ŋana lenge jetalah na, “Tukwini ŋup eꞌe pe, yip pa lalme jirnge yusme ŋam. Kin gande wusyep ŋaiye sai nato tup ŋanange na: Got ka onombe miyeꞌ embepteme sipsip pe, lenge sipsip ka jirnge tangalai yilꞌe yilꞌe.

Wusyep bwore tikin Jon 16:1

“Ŋam gwarnge ŋaiye pa yusme ŋoihmbwaip yip ŋaiye teŋeime ŋam pe, luku tehei kin ŋaiye ŋam mana yip wusyep uku.

Wusyep bwore tikin Jon 16:32

Yusyunde! Ŋup si nat sehei. Topoꞌe si nat miꞌe, ŋaiye ka yandalam yip pe, pa tangalai ilyeh ilyeh yil moi yip tongonose. Kut ŋam ma ilyeh murp. Kom yukur ŋam ilyeh marp, Yai kin narp topoꞌe ŋam.

2 Timoti 4:16

Ŋendeheiyeh kin, ŋaiye ŋam gwan wusyep kot malme Sisa nal Rom pe, yukur lahende gan teket me ŋam nungwis ŋam wusyep. Lenge mitiŋ lalme si yasme ŋam. Ŋam manange wusyep misilihme Got, ŋaiye yukur ka ŋoiheryembe ŋaimune luku ŋaiye tinge yende me ŋam.