Wusyep bwore tikin Mak 12:9 - Urat New Testament

⁹ Jisas ŋisilih lenge na, “Yai tehei ŋaiye wah wain uku ka ende tuꞌe la? Ma mini yip ŋaimune ŋaiye kin ka ota ende. Kin se ka ot ta ongomb lenge miyeꞌ ŋaiye bepeteme wah wain uku pe, se ka angange wah wain uku el lenge mitiŋ syeꞌ.

Wusyep bwore tikin Mak 12:9 ပူးပေါင်းရင်းမြစ်များ

Matyu 12:45

Miꞌe pe, kin plihe na nambaꞌ lenge yipihinge pupwa syepumbur hoi nenge lenge nat ŋaiye tikin pupwa supule yengelyembe kin. Tinge lalme yat yoto pe, tinge yarp uku. Pe miyeꞌ uku somohon kin sikirp bwore, o tukwini pe, kin nal pupwa supule ko. Ŋahwikin ilyeh uku ka ot lenge miyeꞌ tuweinge ŋaiye tukwini yende hwap.”

Matyu 21:34

Ŋup kin sehei ŋaiye wain esep ka sasarme pe, kin nember lenge miyeꞌ wah yal wah wain kin ŋaiye ka talame wain esep syeꞌ yenge yilme kin.

Matyu 21:43

Taꞌe luku pe, ŋam mana yip, Got se ka ongohe lemame kin angaꞌme yip Juta pe, se ka angange el lenge miyeꞌ tuweinge ŋaiye tatame ka yende wah no, ŋaisep ka teŋei.

Matyu 22:7

Ŋoihmbwaip kiŋ tikin nihe supule pe, kin tahar nember lenge miyeꞌ wondoh kin tahar yal yongomb lenge miyeꞌ pupwa luku ŋaiye yongombe lenge miyeꞌ wah kin. Tinge yongomb lenge miyeꞌ uku lalme yende yumbun lenge pupwa supule. Topoꞌe tinge yesekeh moi tinge.

Wusyep bwore tikin Mak 12:10

Yip jonose wusyep ŋaiye sai ŋoto Tup tikin Got, lakai pakai? Wusyep uku kin ŋanange taꞌe leꞌe, Tumwange luku pe, lenge miyeꞌ ŋaiye yahrarange yukoh, tinge jarnge nange pupwa yehe pe, tinge buru yal. Kom tukwini pe, ki si tumwange miyeꞌ bwore ŋaiye ka ende bongolme yukoh.

Wusyep bwore tikin Mak 12:8

Taꞌe luku pe, tinge yarpe kin pe, tinge yonombe kin nule. Pe tinge yiche kin ya tas wah wornge ŋaiye wah wain.”

Wusyep bwore tikin Luk 19:27

Miꞌe pe, kiŋ ŋana lenge na, ‘O lenge wachaih ŋam ŋaiye tinge jarnge ŋaiye ma murp miyeꞌ ondoh, kiŋ tinge pe, tinge yarp pa? Pa yi yambaꞌe lenge yenge yut pe, yongomb lenge ka yule juh embep ŋam.’ ”

Pol nainge tup nal lenge Rom 10:20

Topoꞌe Aisaia, kin plihe ŋanange wusyep bongol taꞌe leꞌe, Lenge miyeꞌ ŋaiye yukur yaha yahaiꞌe ŋam pe, tinge se ka yetekeꞌe ŋam. Ŋam menge ŋam tanam mate masambe ŋam mal lenge mitiŋ ŋaiye yukur yisilih yahaiꞌ ŋam.