Wusyep bwore tikin Mak 12:11 - Urat New Testament

¹¹ Lahmborenge kin ŋember tumwange miyeꞌ uku nat ŋaiye poi metekeꞌe pe, ki bwore miꞌ supule!”

Wusyep bwore tikin Mak 12:11 ပူးပေါင်းရင်းမြစ်များ

Matyu 21:42

Jisas plihe ŋisilih lenge na, “Yip jonose wusyep sikirp ŋaiye sai nato Tup tikin Got lakai? Wusyep uku kin ŋanange taꞌe leꞌe, Tumwange luku lenge miyeꞌ ŋaiye juhurꞌe yokoh tinge yanange pupwa yehe pe, tinge yuhyul yal ŋanar. Kom tukwini pe, kin si tahar taꞌe tumwange miyeꞌ ŋaiye ka orpe yukoh ende bongolme. Lahmborenge kitikin ŋende ŋai uku ki sai. Poi metekeꞌe pe, ki bwore supule.

Aposel 2:12

Tinge ŋoihyeryembe wula wula pe, tinge plihe yisilih yale yat tititinge na, “Liki ŋaimune?”

Kolosi 1:27

Got ŋoiheryembe ŋaiye ka asambe wusyep tase luku otme poi lenge miyeꞌ tuweinge kitikin, ŋaiye ya sisyeme. Wusyep tase luku ki bwore miꞌ supule tatame ŋaiye ka ungwisme lenge mitiŋ lalme. Wusyep tase luku ki taꞌe leꞌe, Krais kin narp nato yip. Pe luku ki taꞌe leꞌe, yip pa yambaꞌe yirise bwore bwore tikin Got.

1 Timoti 3:16

Wusyep tehei ŋaiye ŋoihmbwaip bwore tikin Got pe, ki ŋembere supule. Krais pasam poi ŋaiye kin nat taꞌe miyeꞌ hiꞌ. Yohe Yirise sasambe kin nange kin bwore bwarme supule pe, lenge walip hlaꞌ yetekeꞌe kin. Lenge miyeꞌ tuweinge yanange yalaŋatme wusyep me kin yalꞌe yalꞌe kekep lalme, topoꞌe lenge miyeꞌ tuweinge ŋaiye yarp yalꞌe yalꞌe kekep lalme yaŋaꞌe ŋoihmbwaip tinge yalme kin pe, Got nambaꞌe kin nenge nanah moihlaꞌ.