Wusyep bwore tikin Jon 10:2 - Urat New Testament

² Miyeꞌ ŋaiye nato yukoh map pe, kin miyeꞌ embepteme lenge worsip.

Wusyep bwore tikin Jon 10:2 ပူးပေါင်းရင်းမြစ်များ

Matyu 15:11

Ŋaimune ŋaiye nato mut miyeꞌ pe, yukur ki ŋende miyeꞌ uku pupwa nal ŋembep tikin Got, pakai. Kut wusyep pupwa ŋaiye tas mut miyeꞌ pe, luku kin ŋende miyeꞌ pupwa supule.”

Wusyep bwore tikin Jon 10:14

Ŋam miyeꞌ embepteme bwore lenge worsip. Ŋam sisyeme lenge worsip ŋam. Topoꞌe lenge worsip ŋam tinge sisyeme ŋam.

Wusyep bwore tikin Jon 10:7

Taꞌe luku pe, Jisas plihe ŋanange na, “Ŋam mana yip bwore mise. Ŋam kohmap titinge lenge worsip.

Wusyep bwore tikin Jon 10:9

Ŋam kohmap. Lahmende ŋaiye ka oto ŋam pe, Got ka ungwisme kin. Pe kin ka ote tus ŋaiye ka ambaꞌe ŋai.

Aposel 20:28

Yohe Yirise si nalaŋatme yip ŋaiye pa bepyeteme lenge Kristen miyeꞌ tuweinge. Taꞌe luku pe, ŋoihme! Yip pa bepyeteme yiptip bworerme topoꞌe sios tikin Got taꞌe ŋaiye miyeꞌ ŋonorh worsip. Detale, Got ŋember talah ŋesep ilyeh kin nat pe, kin si nulme tinge nange tinge ka tuhur talah kin.

1 Timoti 4:14

Yukur na ende minsyoꞌ me yitini bwore tikin Got ŋaiye kin si yale narp nato nin. Kin yale gande wusyep profet pe, lenge bwore bworenge tikin sios yikil syep yanah nin.

Taitus 1:5

Tehei kin ŋaiye ŋam masme nin no, nin narp Krit pe, ki taꞌe leꞌe: Ŋam masande ŋaiye na plihe ende bworerme wah syeꞌ ŋaiye yukur miꞌe pe, ende bwore bwarme topoꞌe na alaŋatme lenge miyeꞌ embep syeꞌ e oto sios nato moi embere ilyeh ilyeh tongonose. Ŋoiheryembe wusyep hraꞌembep ŋam pe, ende gunde wusyep ŋaiye ŋam mana nin.

Hibru 13:20

Got kin tehei ŋaiye ŋoihmbwaip ŋumwaiye pe, kin nahraꞌe Lahmborenge poi Jisas Krais. Krais bepeteme poi miyeꞌ tuweinge taꞌe ŋaiye kin bepeteme worsip. Detale, wim kin si turuꞌ pe, kin ŋende bongolme kontrak ambaran ŋaiye sai nye nyermbe. Taꞌe luku pe, Got plihe ŋahraꞌe kin nasme ŋeheh.

1 Pita 2:25

Yip taꞌe worsip ŋaiye talai, kom tukwini yip plihe yate junde Krais. Kin miyeꞌ ŋaiye bepteme yipihinge yip bworerme taꞌe ŋaiye miyeꞌ bepteme lenge worsip.

1 Pita 5:4

Ŋaiye pa yende tuꞌe luku pe, ŋupe ŋaiye Jisas, miyeꞌ embepeteme tititinge lenge hroꞌmbwat ka ot kekep eꞌe pe, lenge miyeꞌ tuweinge lalme ka yetekeꞌe kin. Yip pa yambaꞌe yitini ŋendehei. Yitini luku sai nye nyermbe. Yukur ka miꞌe, pakai.

Revelesen 1:20

Tukwini ŋam da mini yip wusyep tehei wutukun syepumbur hoi, ŋaiye sai syep non ŋam, topoꞌe lam gol syepumbur hoi, ŋaiye ŋam metekeꞌe pe, ki taꞌe leꞌe: Wutukun syepumbur hoi uku tinge yalaŋatme lenge walip hlaꞌ syepumbur hoi, ŋaiye bepyeteme sios syepumbur hoi. O nih lam syepumbur hoi pe, tinge yalaŋatme sios syepumbur hoi.”