Pol nainge tup nal lenge Rom 8:19 - Urat New Testament

¹⁹ Detale, ŋaiꞌe ŋaiꞌe lalme ŋaiye Got si ŋende pe, tinge yarp yeseperhme ŋup uku ŋaiye Got si nalaŋatme nange ka ember ŋai uku ote tus halhalme lenge lahmende ŋaiye talah kin.

Pol nainge tup nal lenge Rom 8:19 ပူးပေါင်းရင်းမြစ်များ

Matyu 5:9

Lenge miyeꞌ tuweinge ŋaiye yarp bumbe no, tinge yungwis lenge yonombe tuhwar topoꞌe yarmbe pe, tinge ka hriphrip. Detale, Got se ka gil lenge talah kitikin.

Wusyep bwore tikin Jon 1:12

O lenge miyeꞌ tuweinge syeꞌ hriphrip me kin, topoꞌe tinge yambaꞌe kin pe, ŋoihmbwaip tinge teŋeime kin. Taꞌe luku pe, kin nangange lenge luh ŋaiye ka yurp tuꞌe talah tikin Got.

Aposel 3:21

Kom kin teter ka orp moihlaꞌ e tutume ŋup tikin ŋaiye Got ka ende ŋaiꞌe ŋaiꞌe lalme ka plihe bwore supule. Liki ka tuꞌe ŋaiye somoho somohonme lenge profet holi mise supule kitikin yanange.

Pol nainge tup nal lenge Rom 8:14

Lahmende miyeꞌ tuweinge ŋaiye jande Yohe Yirise tikin Got pe, tinge talah tikin Got.

Pol nainge tup nal lenge Rom 8:16

Yohe Yirise, wah kin ŋaiye ŋaname yipihinge poi taꞌe leꞌe, “Yip si yarp taꞌe talah tikin Yai Got.”

Pol nainge tup nal lenge Rom 8:18

Ŋam ŋoihmeryembe nihe syohe ŋaiye tukwini poi mambaꞌe pe, yukur ki ŋembere taꞌe naŋ embere topoꞌe yarp bworere nato moi yirise kin ŋaiye sai tase no, mindemboi ka ember ote tus halhalme poi.

Pol nainge tup nal lenge Rom 8:23

Ŋaiꞌe ŋaiꞌe luku ŋaiye Got ŋende pe, tinge yisande syohe, topoꞌe tinge yilil. Got si pwal poi yitini ŋendehei Yohe Yirise, kom tukwini poi teter masande syohe pe, poi milil marp. Taꞌe luku pe, poi marp meseperhme ŋupe ŋaiye Got ka ini poi oworꞌe ember el halhale nange poi si talah kin. Topoꞌe kin ka ende wahriꞌ poi eꞌe ka tanaꞌ el ŋoinde tikin gunde wusyep ŋaiye kin si nupwaiꞌe.

Pol nainge tup nal lenge Rom 9:26

Topoꞌe somohon Got ŋana lenge na, Yip yukur lenge miyeꞌ tuweinge ŋam iki. Kom tukwini tinge yanange ŋaiye yip talah tikin Got ŋaiye yarp nye nyermbe.

1 Korin 1:7

Tukwini yip si yambaꞌe yitini tikin Yohe Yirise wula wula pe, pa yurp yeseperhme ŋup yuwo tikin Lahmborenge poi Krais Jisas ŋaiye ka ot.

1 Korin 1:8

Kin ka ende bongolme ŋoihmbwaip yip, ŋaiye teŋeime Krais pe, pa yurp bwore bwarme yi tutume ŋup yuwo tikin Jisas Krais.

2 Korin 6:18

Ŋam yai yip, o yip lahtuweinge miyeꞌ ŋam. Lahmborenge ŋaiye bongol sekete kin ŋanange wusyep uku.

Galesia 3:26

Yip yarp talah tikin Got. Detale, ŋoihmbwaip yip teŋeime Krais.

Filipai 1:20

Ŋoihmbwaip ŋembere ŋam pe, ŋam gwarnge ŋaiye ma mende ŋainde pupwa no, ma mambaꞌe hiꞌe. Ma gwin bongole mende ŋaiꞌe ŋaiꞌe bwore maŋaꞌe naŋ embere milme Krais taꞌe ŋaiye somohon ŋam mende. Ŋam de ma mende ŋaiꞌe ŋaiꞌe bwore luku milme Krais no, ma murp, lakai ma mule.

Kolosi 3:4

Krais kin tehei ŋaiye laip mise yip pe, ŋupe ŋaiye ka ot pe, yip topoꞌe pa yut yotop kin pe, pa yambaꞌe yirise bwore kin.

Hibru 12:27

Got ŋanange ŋaiye ka plihe ende ninde topoꞌe pe, wusyep uku ki pasam poi nange ŋaiꞌe ŋaiꞌe ŋaiye somohon Got ŋende, ŋup ende ka blohe pe, ŋaiꞌe ŋaiꞌe luku ka miꞌe, yukur ka si. Kut yukur ka ondolꞌme ŋaiꞌe ŋaiꞌe ŋaiye sai nanah moihlaꞌ ŋaiye ka si nye nyermbe.

1 Pita 1:13

Taꞌe luku pe, yende miꞌmiꞌ ŋoihmbwaip yip no, pa ŋoiheryembe gondoume. Ŋoiheryembe yip lalme ka elme yitini bwore ŋaiye mindemboi Jisas ka ot no, ka enge ota yul yip.

1 Pita 1:7

Ŋaiꞌe ŋaiꞌe luku da ondolꞌme yip no, ka yetekeꞌe yoworme na, ŋoihmbwaip yip teŋeime Got, lakai pakai? Gol kin bwore, kom ni nahate ti, ka tihyenme. Ŋahilyeh taꞌe ŋoihmbwaip yip ŋaiye teŋeime Got tikin miꞌ supule nengelyembe gol. Taꞌe luku pe, hwap se ka ondolꞌme ŋoihmbwaip yip etekeꞌe na, ki sai bongol me Krais, lakai pakai? Ŋaiye ka si bongole no, Jisas Krais ka ot ŋup yuwo pe, se ka yul yip hriphrip topoꞌe yirise ŋembere topoꞌe naŋ embere.

1 Jon 3:1

Yip lalme sisyeme ŋaiye Yai Got ŋende nihararme poi supule. Taꞌe pe, tukwini poi ya tingit talah tikin Got. Tehei kin ŋaiye lenge miyeꞌ tuweinge lalme ŋaiye yarp kekep eꞌe jinjame poi Kristen pe, ki taꞌe leꞌe, ŋoihmbwaip tinge yukur teŋeime kin.

1 Jon 3:2

Lenge toꞌ tatai ŋam, poi tukwini leꞌe si tahar talah tikin Got. Kom tukwini poi jinjame, mindemboi poi ya tuꞌe la? Kom poi sisyeme ŋaiye Krais mindemboi ka ot pe, ya ŋahilyeh tuꞌe kin. Detale, poi ya metekeꞌe kin ka tuꞌe la ŋai.

Revelesen 21:7

Ŋaiye miyeꞌ syeꞌ ka yohe wondoh pe, ma se maŋaꞌe ŋaiꞌe ŋaiꞌe luku mil me tinge. Topoꞌe ŋam se ma murp Got kin pe, kin ka orp talah ŋam.