Pol nainge tup nal lenge Rom 8:11 - Urat New Testament

¹¹ O Yohe Yirise tikin Got ŋaiye ŋahraꞌe Jisas nasme nule no, ŋaiye kin narp nato yip pe, nato wah tikin Yohe Yirise pe, Got se ka yul yip laip bwore elme wahriꞌ yip.

Pol nainge tup nal lenge Rom 8:11 ပူးပေါင်းရင်းမြစ်များ

Wusyep bwore tikin Jon 14:17

Kin Yohe Yirise mise ŋaiye ŋanange wusyep mise. Lenge miyeꞌ tuweinge tikin kekep yukur ka se yambaꞌe kin. Detale, tinge yukur yetekeꞌe kin, topoꞌe tinge yukur sisyeme kin. Kom yip sisyeme kin. Detale, kin narp topoꞌe yip pe, min ka orp oto yip.

Wusyep bwore tikin Jon 5:21

Ki ŋahilyeh taꞌe Yai ŋaiye ŋahraꞌe lenge mitiŋ ŋaiye si yule no, nangang lenge laip bwore. Pe ki taꞌe Talah ŋaiye nangang lenge laip bwore nal lenge miyeꞌ tuweinge gande ŋasande kitikin.

Aposel 2:24

Kom Got plihe ŋahraꞌe kin pe, kin narp hlaininge. Yukur kin narp taꞌe miyeꞌ nule no, yukur tatame ŋaiye nule ka orpe kin, pakai.

Pol nainge tup nal lenge Rom 16:10

Hriphrip topoꞌe ŋau bwore ŋam nalme Apeles. Kin miyeꞌ ŋaiye nikirh mane nato wah tikin Krais bworerme pe, Krais hriphrip me kin. Hriphrip topoꞌe ŋau bwore ŋam nalme bamtihei tikin Aristobulus.

Pol nainge tup nal lenge Rom 16:3

Ŋam member ŋau bwore ŋam eꞌe malme Prisila hindi Akwila. Tinge hindi wahilyeh ŋam ŋaiye poi lalme mende wah tikin Krais Jisas.

Pol nainge tup nal lenge Rom 16:7

Hriphrip topoꞌe ŋau bwore ŋam nalme Andronikus hindi Junias. Tinge hindi Juta ŋahilyeh taꞌe ŋam ŋaiye poi lalme marp moto mwahupwaiꞌe. Lenge aposel yahraꞌe naŋ tinge hindi, topoꞌe tinge hindi yimbilme ŋoihmbwaip yalme Krais yal yerme ŋam.

Pol nainge tup nal lenge Rom 16:9

Hriphrip topoꞌe ŋau bwore ŋam nalme Urbanus. Kin wahilyeh poi ŋaiye poi lalme mende wah tikin Krais. Yaŋaꞌe hriphrip topoꞌe ŋau bwore ŋam yilme ŋimei ŋam Stakis.

Pol nainge tup nal lenge Rom 6:12

Yukur pa yurpe ŋoihmbwaip pupwa no, ka embepeteme wahriꞌ orope yip lalme. Detale, ŋoihmbwaip pupwa yip uku se ka kite yip ŋaiye pa yende hwap.

Pol nainge tup nal lenge Rom 8:1

Got yukur ka ende wusyep kot me poi, pakai. Detale, poi si marp tongorꞌ mal Krais Jisas.

Pol nainge tup nal lenge Rom 8:12

Taꞌe luku pe, Krais kin ka bepeteme laip poi pe, yukur ya plihe murp tuweihme ŋoihmbwaip yerkeime no, ka kete poi ŋaiye ya mende ŋaiꞌe ŋaiꞌe pupwa, pakai.

Pol nainge tup nal lenge Rom 8:2

Bongol tikin Yohe Yirise si pwal poi laip bwore ŋaiye ya murp topoꞌe Krais Jisas. Kin si nenge poi tupwaihme bongol tikin ŋoihmbwaip pupwa ŋaiye ka ende poi ya mule.

Pol nainge tup nal lenge Rom 8:9

Kom yip yusme ŋoihmbwaip yerkeime ŋaiye somohon ki embepteme yip. Pa yurp junde ŋasande tikin Yohe Yirise. Detale, Yohe Yirise tikin Got narp nato yip. Lahmende miyeꞌ tuweinge ŋaiye yukur yambaꞌe Yohe Yirise tikin Krais pe, tinge yukur tikin Krais.

1 Korin 15:16

Ŋaiye pa yininge nange Got yukur ka ahraꞌe lenge mitiŋ ŋaiye yule pe, ŋahilyeh taꞌe ŋaiye pa yininge nange Got yukur ŋahraꞌe Krais.

1 Korin 6:14

Got ŋahraꞌe Lahmborenge tahar nasme nule pe, kin se ka ahraꞌe poi topoꞌe bongol kin.

2 Korin 4:11

Poi marp laip pe, nye nyermbe lenge miyeꞌ tuweinge da pumboi ya mule. Detale, poi mende wah tikin Krais. Kom poi marp laip. Taꞌe luku pe, laip tikin Jisas ki tas halhalme laip poi, ŋaiye narp nato wahriꞌ eꞌe ŋaiye mindemboi ka nyeꞌ.

2 Korin 4:14

Poi sisyeme nange Got kin ŋahraꞌe Lahmborenge Jisas tahar narp laip. Pe poi sisyeme nange kin se ka plihe ahraꞌe poi ya murp laip, tuꞌe ŋaiye kin ŋahraꞌe Jisas miꞌe pe, Got se ka ambaꞌe poi topoꞌe yip enge el ŋembep Jisas.

2 Korin 5:4

Ŋupe ŋaiye poi marp topoꞌe wahriꞌ tikin kekep eꞌe pe, poi mambaꞌe nihe syohe, topoꞌe poi milil marp. Yukur taꞌe ŋaiye poi da musme wahriꞌ tikin kekep eꞌe, pakai. Kom poi masande ya mambaꞌe wahriꞌ tikin moihlaꞌ ŋaiye ka aparaꞌe poi tuꞌe ŋaiye poi si dendeꞌ hihyilih ambaran. No wahriꞌ ŋaiye tikin nule pe, ka ambaꞌe laip ambaran ŋaiye ka si nye nyermbe.

Galesia 6:8

Ŋaiye na ononde ŋoihmbwaip yerkeime el oto laip nin pe, ŋai ŋaiye na iche pe, nule. Kut ŋaiye na ononde Yohe Yirise oto laip nin pe, nin na orp bwore nye nyermbe.

Efesus 2:5

Poi mengelyembe wusyep kin pe, hwap pupwa ŋaiye poi mende luku pe, ki si pwamb poi pe, poi mule. Kom Got nungwisme poi pe, poi marp laip topoꞌe Krais. Detale, Got kin ŋoihginirme poi.

Filipai 3:21

Tehei kin taꞌe leꞌe, ŋaiꞌe ŋaiꞌe lalme ka yurp tuwihme kin ilyeh. Bongol ŋembere kin ŋaiye ka ende ŋaiꞌe ŋaiꞌe lalme ka si tuwihme kin pe, ka bunjenge wahriꞌ poi ŋaiye mambaꞌe nihe syohe el tuꞌe wahriꞌ kitikin ŋaiye yirise supule.

Hibru 13:20

Got kin tehei ŋaiye ŋoihmbwaip ŋumwaiye pe, kin nahraꞌe Lahmborenge poi Jisas Krais. Krais bepeteme poi miyeꞌ tuweinge taꞌe ŋaiye kin bepeteme worsip. Detale, wim kin si turuꞌ pe, kin ŋende bongolme kontrak ambaran ŋaiye sai nye nyermbe. Taꞌe luku pe, Got plihe ŋahraꞌe kin nasme ŋeheh.

1 Pita 1:21

Yip sisyeme Jisas pe, kin ŋende ŋoihmbwaip yip teŋeime Got. Got ŋahraꞌe Jisas ŋaiye kin si nule pe, kin naŋaꞌe naŋ embere nalme kin. Taꞌe luku pe, ŋoihmbwaip topoꞌe ŋoiheryembe yip lalme ka si me Got.

1 Pita 3:18

Krais kin nule nilyehe sai me pupwa poi. Tinge yonombe no, kin nule pe, Yipihinge tikin Got plihe nahraꞌe kin narp laip. Kin miyeꞌ bwore bwarme supule, kom kin nule nanah loutungwarmbe me poi mitiŋ lalme ŋaiye mende pupwa no, ka enge poi otme Got.

Revelesen 1:18

Ŋam miyeꞌ, ŋaiye marp laip nye nyermbe. Ŋam si mule, kom ŋam plihe tahar pe, ma murp laip nye nyermbe! Ŋam ilyehe sai, ŋam menge lousikan ŋaiye nule, topoꞌe moi titinge lenge miyeꞌ tuweinge ŋaiye si yule.

Revelesen 11:11

Tinge hindi yule yanar bilmbil ŋup hun syeꞌme miꞌe pe, Got ka unduhulꞌe yohe kin ote oto me tinge hindi pe, tinge plihe yate tahar jan ŋihip tinge. Pe lenge mitiŋ lalme, ŋaiye yetekeꞌe tinge hindi pe, tinge yenge plai, topoꞌe hiꞌjarnge.