Pol nainge tup nal lenge Rom 6:21 - Urat New Testament

²¹ Pe ŋaisep kin, ki taꞌe la? Ki pupwa supule. Taꞌe luku pe, yip hiꞌe pupwa supule ŋaiye yip yende luku. Ŋoihmbwaip pupwa luku ŋaiye yip yende pe, kin nember yip nal ŋaiye pa yule.

Pol nainge tup nal lenge Rom 6:21 ပူးပေါင်းရင်းမြစ်များ

Pol nainge tup nal lenge Rom 1:32

Tinge si sisyeme wusyep erŋeme tikin Got ŋaiye ŋanange na, O lenge miyeꞌ tuweinge ŋaiye jande ŋahwikin uku pe, ka yule. Kut tinge yende ŋaiꞌe ŋaiꞌe pupwa luku, topoꞌe tinge plihe yende bongolme lenge mitiŋ syeꞌ ŋaiye ka yende hwap pupwa luku.

Pol nainge tup nal lenge Rom 5:12

Ŋupe ŋaiye Adam ŋende hwap pe, hwap kin uku nikikilꞌe lenge mitiŋ lalme gah kekep. Hwap tikin Adam nenge nule nat pe, nule luku nikikilꞌe lenge miyeꞌ tuweinge lalme. Detale, lenge miyeꞌ tuweinge lalme si yende hwap.

Pol nainge tup nal lenge Rom 6:16

Yip si sisyeme ŋaiye yip pa yusyunde wusyep miyeꞌ ende no, pa junde pe, yip yarp taꞌe miyeꞌ wah kin. Kin taꞌe ŋaiye yip yarp miyeꞌ wah tikin ŋaiye yende hwap pe, luku ka ende yip ŋaiye pa yule. Kom ŋaiye pa junde wusyep Got pe, pa yurp bwore bwarme.

Pol nainge tup nal lenge Rom 6:23

Nin lahmende ŋaiye na ende hwap gunde ŋoihmbwaip pupwa nin pe, yitini nin ŋaiye na ambaꞌe pe, nule. Kom Got pwal poi yitini bwore kitikin ŋaiye ya murp nye nyermbe. Laip bwore ŋaiye poi mambaꞌe luku pe, natme Jisas Krais Lahmborenge poi.

Pol nainge tup nal lenge Rom 7:5

Ŋupe ŋaiye poi gwande ŋoihmbwaip yerkeime pe, wusyep erŋeme ŋahraꞌe ŋoihmbwaip pupwa poi nal ŋembere ŋaiye poi mende hwap. Taꞌe luku pe, ŋaimune ŋaiye poi mende luku pe, ki nember poi nal yaŋah ŋaiye ya mule.

Pol nainge tup nal lenge Rom 8:13

O ŋaiye pa yurp junde ŋoihmbwaip yerkeime yip uku pe, pa yule. Kut ŋaiye pa yurp junde Yohe Yirise pe, yip si yonombe yinise yaŋah tikin ŋoihmbwaip pupwa yip uku pe, pa yurp laip.

Pol nainge tup nal lenge Rom 8:6

O ŋaiye ŋoiheryembe nin ka gunde ŋoihmbwaip pupwa nin uku pe, nin miyeꞌ lakai tuwei uku na ole. Kut ŋaiye Yohe Yirise ka embepteme ŋoiheryembe nin pe, nin na ambaꞌe laip bwore pe, na orp bwore ŋumwaiye.

2 Korin 4:2

Poi si maŋaꞌe teket me ŋaiꞌe ŋaiꞌe pupwa yehe ŋaiye tinge yende tase. Poi yukur bunjenge wusyep mise tikin Got, topoꞌe poi yukur minise wusyep mise tikin Got, pakai. Poi manange malaŋatme wusyep mise tikin Got mal halhale, ŋaiye lenge miyeꞌ tuweinge ka yiyarꞌe poi pe, ka sisyeme nange poi mende wah bwore mise mal ŋembep tikin Got.

2 Korin 7:11

Yip pa ŋoiheryembe bworere. Ŋoihmbwaip mane leꞌe ŋaiye Got yal yip pe, ki ŋende ŋaiye yip tahar yanange wusyep yende miꞌ me yip. Yip ŋoihmbwaip mane topoꞌe yip hiꞌjarnge pe, yip yasande ŋaiye pa yetekeꞌe poi. Pe yip pa yihyele miyeꞌ ŋaiye si ŋende pupwa. Ŋaiꞌe ŋaiꞌe lalme ŋaiye pa yende pe, luku ki sasambe nange yip yukur yende hwap.

Filipai 3:19

Tinge ka yil hel. Detale, tinge jande ŋaimune ŋaiye wahriꞌ tinge ŋasande nange ka yende pe, luku ki taꞌe got tinge kuli. Tinge ŋoihyeryembe ŋaiye ka yende ŋaiꞌe ŋaiꞌe pupwa lalme luku ŋaiye tikin kekep eꞌe, topoꞌe tinge hriphrip ŋaiye ka yende ŋaiꞌe ŋaiꞌe luku no, tinge yukur ka hiꞌe.

Hibru 10:29

Taꞌe luku pe, yip ŋoiheryembe taꞌe la ŋai me miyeꞌ ŋaiye naŋaꞌe teket me Talah tikin Got? Miyeꞌ uku ka ambaꞌe hwap embere pupwa. Wim tikin Krais ŋende bongolme kontrak ambaran. Pe ki ŋende miyeꞌ uku narp miyeꞌ tikin Got pe, kin narp holi, bwore mise supule. Kom tukwini pe, miyeꞌ uku ŋende wim tikin Krais nal luh pakaiye. Pe ki ŋende pupwa supule nalme Yipihinge tikin Got ŋaiye pwal poi ŋoihginir.

Hibru 6:8

Kom kekep ŋaiye mwah senge topoꞌe peperiyeh pupwa gere nah pe, kekep uku ki pupwa supule. Pe sehei woh Got ka ende yumbune kekep uku pe, ka ende nih ka ono.

Jems 1:15

Tukwini ŋam da mininge wusyep tapimbilme leꞌe. Ŋoihmbwaip tahar ŋaiye ŋende pupwa pe, ki taꞌe ŋaiye tuwei wusyeꞌe talah no, ti waraꞌe. Ŋoihmbwaip pupwa luku ki tahar embere pe, ki ŋende ŋaiꞌe ŋaiꞌe pupwa pe, ŋaiꞌe ŋaiꞌe pupwa luku ŋende kin nule.

Jems 5:20

Pa sisyeme tuꞌe leꞌe, lahmende ŋaiye nungwisme miyeꞌ ŋaiye ŋende pupwa nenge nat yaŋah bwore pe, luku kin nungwisme yipihinge kin ŋaiye yukur ka ole. Taꞌe luku pe, Got se ka ongohe pupwa wula wula.

1 Pita 4:17

Ŋup tikin Got ŋaiye ka iyarꞌe lenge miyeꞌ tuweinge si nat sehei miꞌe. Lenge miyeꞌ tuweinge tikin Got tinge ka jin wusyep kot yer. O ŋupe ŋaiye wusyep kot ka tuhur yerme poi pe, ka tuꞌe la ŋai me lenge mitiŋ ŋaiye yukur yisande wusyep tikin Got?

1 Jon 2:28

Lenge talah ŋam, jin bongole yi yoto syep Krais no, ŋupe ŋaiye ka ot pe, yukur pa hiꞌe no, pa tisme kin yoto ŋup tikin ŋaiye ka ot, pakai.

Revelesen 16:6

Somohonme tinge yongombe lenge miyeꞌ tuweinge tikin Got, topoꞌe lenge profet pe, tinge ya yuru yuruꞌe wim sai. Pe tukwini ni plihe nangang lenge wim uku no, ka yonoꞌe. Luku tinge yambaꞌe yitini me ŋaimune ŋaiye tinge si yende.

Revelesen 20:14

Taꞌe luku pe, lenge lahmende ŋaiye naŋ tinge yukur ŋanar nato tup laip tikin Got pe, Got ka iche tinge e guh nih ŋeheh embere ŋaiye papararme ŋeser, ŋaiye woyol riri sai. Miꞌe pe, kin ŋiche Nule, topoꞌe Moi Lenge Mitiŋ Yule na gah nih ŋeheh embere ŋaiye papararme ŋeser, ŋaiye woyol riri sai. Nih na gah ŋeheh uku pe, tinge jalme nange nule ni hoi.