Pol nainge tup nal lenge Rom 3:19 - Urat New Testament

¹⁹ Tukwini poi sisyeme nange wusyep lalme ŋaiye tinge yainge sai nato wusyep erŋeme luku pe, ki ŋanange nalme mitiŋ ŋaiye yarp tuwihme wusyep erŋeme. Taꞌe luku pe, yukur miyeꞌ ende ka se ininge nange kin bwore bwarme, pakai supule. Poi mitiŋ lalme si mende hwap malme Got pe, ka ende wusyep kot me poi.

Pol nainge tup nal lenge Rom 3:19 ပူးပေါင်းရင်းမြစ်များ

Wusyep bwore tikin Jon 15:25

Tinge yende ŋaiꞌe ŋaiꞌe ya yanah yikilꞌe wusyep ende ŋaiye sai nato wusyep erŋeme tinge ŋaiye ŋanange taꞌe leꞌe, ‘Lenge miyeꞌ yende wachaihme ŋam paka pakaiye supule.’

Wusyep bwore tikin Jon 8:9

Tinge yisande wusyep uku pe, tinge ilyeh ilyeh yasme moi uku pe, tinge yal. Lenge miyeꞌ bwore bworenge pe, tinge yal yer. Tinge yasme tuwei uku gwan topoꞌe Jisas.

Pol nainge tup nal lenge Rom 1:20

Ŋendeheiyeh kin ŋaiye Got ŋende ŋaiꞌe ŋaiꞌe nate gere tukwini pe, lenge miyeꞌ tuweinge lalme si yetekeꞌe ŋaiꞌe ŋaiꞌe lalme ŋaiye Got ŋende sai kekep, topoꞌe nanah ŋaitem pe, ki si sasambe ŋoihmbwaip tase bwore tikin Got, topoꞌe bongol embere tikin Got ŋaiye sai nye nyermbe. Taꞌe luku pe, yukur ka se yininge nange tinge yukur sisyeme Got, liki pakai supule.

Pol nainge tup nal lenge Rom 3:2

Hei, bwore mise, lahmende ŋaiye yarp taꞌe lenge Juta miyeꞌ tuweinge pe, Got nangange ŋaiꞌe ŋaiꞌe bwore bwore. Ŋendehei Got nangange wusyep kin uku ŋaiye tinge ka bepyeteme.

Pol nainge tup nal lenge Rom 3:23

Poi lenge miyeꞌ tuweinge lalme, poi si mende hwap pe, poi yukur tatame ya mi gure wutuꞌ tikin yirise ŋaiye Got nalaŋatme.

Pol nainge tup nal lenge Rom 3:4

Got yukur ka se ende tuꞌe liki. Ŋaiye mitiŋ lalme ŋaiye yarp kekep eꞌe pe, tinge pupwa miyeꞌ homboꞌe, kom Got kin bwore mise. Ki taꞌe wusyep ŋaiye sai nato tup ŋanange, Tinge ka sisyeme nange ŋaimune ŋaiye nin ŋanange ki bwore mise. Topoꞌe lenge miyeꞌ tuweinge se ka yende wusyep kot me nin, kom nin se na yohe.

Pol nainge tup nal lenge Rom 3:9

Bwore! Ŋaiye taꞌe luku pe, poi Juta si bwore supule mengelyembe lenge mitiŋ lalme lakai? Pakai supule! Ŋam si manange wusyep uku malme yip me hwap pupwa pupwa tikin ŋaiye nupwaiꞌe poi lalme. Poi ŋaiye Juta topoꞌe lenge mitiŋ ŋaiye yukur Juta.

1 Korin 1:29

Luku taꞌe leꞌe, yukur miyeꞌ ende ka gute bip kin gin ŋembep Got, pakai.

Galesia 3:10

Lahmende ŋaiye jande wusyep erŋeme pe, tinge ŋoiheryembe nange Got se ka gil me lenge nange tinge si bwore bwarme, kom pakai. Tinge yarp tuwihme nihe syohe. Ki gande wusyep tikin Got ŋaiye ŋanange, Lahmende ŋaiye yukur nye nyermbe ŋende ŋaiꞌe ŋaiꞌe lalme gande yainge ŋaiye sai nato tup tikin wusyep erŋeme pe, ŋoihmbwaip nihe tikin Got sai me kin.

Galesia 4:21

Ŋam de ma misilih yip lahmende ŋaiye yarp tuwihme wusyep erŋeme tuꞌe leꞌe, yip sisyeme ŋaimune ŋaiye wusyep erŋeme ŋanange, lakai pakai?

Galesia 4:5

Got nember kin nat ŋaiye ka ungwisme poi lenge miyeꞌ tuweinge ŋaiye poi marp tuwihme wusyep erŋeme no, poi ya murp talah tikin Got.

Galesia 5:18

Ŋaiye pa junde Yohe Yirise pe, yukur pa yurp tuwihme wusyep erŋeme.