Pol nainge tup nal lenge Rom 16:20 - Urat New Testament

²⁰ Topoꞌe sehei woh, Got poi ŋaiye pwal poi ŋoihmbwaip ŋumwaiye topoꞌe ŋaiꞌe ŋaiꞌe bwore bwore pe, ka ende yumbune bongol tikin Satan pe, ka orp tuwihme yip. Ŋoih miꞌmiꞌ tikin Lahmborenge Jisas Krais ka si topoꞌme yip.

Pol nainge tup nal lenge Rom 16:20 ပူးပေါင်းရင်းမြစ်များ

Matyu 4:10

Jisas nungwisme wusyep kin na, “Satan! El angaꞌme ŋam. Wusyep tikin Got ŋanange taꞌe leꞌe, Risukwarme Lahmborenge ŋaiye Got nin pe, ende wah me kin ŋilyeh.”

Wusyep bwore tikin Luk 10:19

Taꞌe luku pe, ŋam si yal yip bongol ŋaiye pa hip juh hwaŋ topoꞌe pirp, topoꞌe pa yengelyembe bongol lalme tikin wachaih pe, ŋaimune pupwa yukur ka ende yumbun yip, pakai.

Pol nainge tup nal lenge Rom 15:33

Got kin miyeꞌ ŋaiye pwal poi ŋoihmbwaip ŋumwaiye pe, kin ka orp topoꞌme yip lalme. Bwore mise.

Pol nainge tup nal lenge Rom 16:23

Gaius nember hriphrip topoꞌe ŋau bwore kin nalme yip. Poi hindi marp yokoh kin pe, kin bepteme ŋam bworerme. Kin bepteme lenge miyeꞌ tuweinge lalme ŋaiye yate jahilyeh yarp yukoh kin. Erastus kin miyeꞌ ŋaiye bepteme wuhyau tititinge gavman nate ŋoto moi embere leꞌe, topoꞌe tinge hindi toꞌ poi Kwartus yember hriphrip topoꞌe ŋau bwore tinge hindi yalme yip.

Pol nainge tup nal lenge Rom 16:24

Ŋoih miꞌmiꞌ tikin Lahmborenge poi Jisas Krais, ka si topoꞌme yip. Mise.

Pol nainge tup nal lenge Rom 8:37

Kut Jisas Krais ŋende nihararme poi pe, ŋaimune yukur ka se ota ende yumbune poi. Pe poi se ya yohe.

1 Korin 16:23

Ŋoihmbwaip ŋumwaiye tikin Lahmborenge Jisas ka si topoꞌe yip.

2 Korin 13:14

Got, kin ka ende nihararme yip, topoꞌe Lahmborenge Jisas Krais ka ŋoih miꞌmiꞌ me yip, topoꞌe Yohe Yirise ka ende yip pa yurp juhilyeh.

Galesia 6:18

Ŋoihmbwaip ŋumwaiye Lahmborenge poi Jisas Krais ka si topoꞌe yip lalme toꞌ tatai ŋam. Mise.

Filipai 4:23

Ŋoihmbwaip ŋumwaiye tikin Lahmborenge Jisas Krais ka si topoꞌme yip lalme.

1 Tesalonaika 5:28

Ŋoih miꞌmiꞌ tikin Lahmborenge Jisas Krais sai topoꞌe yip.

2 Tesalonaika 3:18

Ŋoih miꞌmiꞌ tikin Lahmborenge poi Jisas Krais sai topoꞌme yip lalme.

2 Timoti 4:22

Lahmborenge ka ende bongolme yipihinge bwore nin, topoꞌe ŋoih miꞌmiꞌ tikin Got ka si topoꞌe yip lalme.

Filemon 1:25

Ŋam de ma misilihme Got ŋaiye ŋoihmbwaip ŋumwaiye tikin Lahmborenge Jisas Krais ka si topoꞌme yip lalme.

1 Jon 3:8

Lenge miyeꞌ tuweinge ŋaiye yende ŋaiꞌe ŋaiꞌe pupwa pe, tinge jande yaŋah Satan. Tehei kin taꞌe leꞌe, somohon ŋendeheiyeh Satan kin ŋende pupwa. Taꞌe luku pe, talah bwore tikin Got nate gah kekep eꞌe ŋaiye ka ende yumbune wah tikin miyeꞌ pupwa Satan.

Revelesen 12:10

Taꞌe luku pe, ŋam masande diꞌ miyeꞌ ende, ŋaiye narp nanah moihlaꞌ tambah mah ŋanange na, Tukwini Got poi si yohe wondoh miꞌe pe, tukwini bongol kin si nate tas halhale, ŋaiye ka orp tuꞌe kiŋ. Pe miyeꞌ uku ŋaiye kin si nalaŋatme, ŋaiye ka ungwisme lenge miyeꞌ tuweinge kin pe, kin si nambaꞌe wutuꞌ embere, topoꞌe bongol, ŋaiye ka embepteme kekep lalme. Detale, miyeꞌ pupwa Satan yukur tatame ŋaiye ka se el gin ŋembep tikin Got ende wusyep iniꞌe lenge toꞌ tatai poi ŋupe ŋau ŋaiye tinge yende hwap. Tinge si yiche miyeꞌ pupwa luku yasme moihlaꞌ ya jah kekep.

Revelesen 22:21

Ŋoih miꞌmiꞌ tikin Lahmborenge Jisas sai topoꞌe yip lenge miyeꞌ tuweinge lalme.