Pol nainge tup nal lenge Rom 1:32 - Urat New Testament

³² Tinge si sisyeme wusyep erŋeme tikin Got ŋaiye ŋanange na, O lenge miyeꞌ tuweinge ŋaiye jande ŋahwikin uku pe, ka yule. Kut tinge yende ŋaiꞌe ŋaiꞌe pupwa luku, topoꞌe tinge plihe yende bongolme lenge mitiŋ syeꞌ ŋaiye ka yende hwap pupwa luku.

Pol nainge tup nal lenge Rom 1:32 ပူးပေါင်းရင်းမြစ်များ

Wusyep bwore tikin Luk 11:48

Mise, tinge yongomb lenge profet uku, kom yip yendendeꞌme ŋeheh tinge pe, leꞌe si sasambe nal halhale nange yip yenerme pupwa topoꞌe hriphrip me ŋaimun ŋaiye lenge mwan kaꞌ yip si yende me tinge.

Aposel 22:20

Pe ŋupe ŋaiye tinge yonombe miyeꞌ wah nin Stiven no, wim kin tas pe, ŋam topoꞌe hriphrip gwan bepmeteme temhroŋ lenge miyeꞌ ŋaiye yonombe kin.”

Aposel 8:1

Sol narp eꞌe pe, kin hriphrip ŋaiye tinge yonombe Stiven no, kin nule.

Pol nainge tup nal lenge Rom 1:18

Got nember ŋoihmbwaip nihe kin nase moihlaꞌ nate gahme lenge miyeꞌ tuweinge lalme ŋaiye yaŋaꞌe teket me kin, topoꞌe yende hwap ŋaiye tikin pupwa supule. Pupwa tinge luku ki naparaꞌe wusyep mise luku pe, ki nangah sai.

Pol nainge tup nal lenge Rom 1:21

Bwore mise, tinge sisyeme kin Got, kom tinge yukur yahraꞌe naŋ tikin Got, topoꞌe yukur tinge yanange wusyep hriphrip me kin. Ŋoihmbwaip tinge si bermbur pe, tinge yarp ya yoto yepelmbe supule.

Pol nainge tup nal lenge Rom 6:21

Pe ŋaisep kin, ki taꞌe la? Ki pupwa supule. Taꞌe luku pe, yip hiꞌe pupwa supule ŋaiye yip yende luku. Ŋoihmbwaip pupwa luku ŋaiye yip yende pe, kin nember yip nal ŋaiye pa yule.

Pol nainge tup nal lenge Rom 6:23

Nin lahmende ŋaiye na ende hwap gunde ŋoihmbwaip pupwa nin pe, yitini nin ŋaiye na ambaꞌe pe, nule. Kom Got pwal poi yitini bwore kitikin ŋaiye ya murp nye nyermbe. Laip bwore ŋaiye poi mambaꞌe luku pe, natme Jisas Krais Lahmborenge poi.

2 Tesalonaika 2:12

Topoꞌe lahmende ŋaiye ŋoihmbwaip tinge yukur teŋeime wusyep mise, topoꞌe tinge tengelyem ŋaiye yende ŋaiꞌe ŋaiꞌe tetehei pupwa pe, tinge ka jin wusyep topoꞌme Got ŋaiye ka iyarꞌe pupwa tinge.