Revelesen 8:2 - Urat New Testament

² Pe ŋam metekeꞌ lenge walip hlaꞌ syepumbur hoi jan ŋembep tikin Got pe, kin nangang lenge ŋoih syepumbur hoi.

Revelesen 8:2 ပူးပေါင်းရင်းမြစ်များ

Matyu 18:10

“Yukur pa ŋoiheryembe nange pa bep juhme talah ende leꞌe nange kin pupwa luh paka pakaiye. Pakai. Ŋam mana yip, lenge walip hlaꞌ tititinge ilyeh ilyeh ŋaiye yarp yanah moihlaꞌ pe, nye nyermbe walip hlaꞌ tinge ya jan ŋembep tikin Yai ŋam ŋaiye narp nanah moihlaꞌ.”

Matyu 24:31

O ka yunduhulꞌe ŋoih marnge supule pe, ka ember lenge walip hlaꞌ kin ka yilꞌe yilꞌe kekep lalme ŋaiye ka jaras lenge miyeꞌ tuweinge kitikin ŋaiye kin si nalaŋatme tinge yenge yute juhilyeh.”

Wusyep bwore tikin Luk 1:19

Walip hlaꞌ tikin Lahmborenge nungwisme na, “Ŋam Gepriel leꞌe. Ŋam gwan embep tikin Got pe, kin nember ŋam mat nange ma mini nin wusyep bwore leꞌe. Taꞌe luku pe, ŋam mambaꞌe mut kin mat.

Wusyep bwore tikin Luk 21:36

Taꞌe luku pe, nyermbe nyermbe yende miꞌmiꞌ yurp jeteme ŋam, topoꞌe pa yisilihme Got ŋaiye ka ende bongolme yip no, pa yikirh mane luku ŋaiye ka tus, topoꞌe pa jin bongole yil ŋembep Talah tikin Miyeꞌ.”

1 Tesalonaika 4:16

Dindiꞌ ŋup uku pe, lenge miyeꞌ tuweinge ka yusyunde diꞌ ende tikin walip hlaꞌ ondoh ka yohe timbiya gil. Ka unduhulꞌe ŋoih tikin Got pe, Lahmborenge Jisas ka ose moihlaꞌ guh. Pe lenge Kristen miyeꞌ tuweinge ŋaiye somohon bilip me Jisas no, tinge yule pe, tinge ka tuhur yerme poi.

Revelesen 1:4

Ŋam Jon da member tup milme lenge sios syepumbur hoi, ŋaiye sai nato provins Esia. Got ŋaiye tukwini narp dindiꞌe leꞌe, topoꞌe somohonme yerkeime ŋaiye narp, topoꞌe mindemboi boi ŋaiye ka ote orp, kin ŋotop lenge yipihinge bwore syepumbur hoi bongol, ŋaiye jan sehei me luh yilihe kin, ka ŋoih miꞌmiꞌ me yip, topoꞌe ka ende ŋoihmbwaip yip pa yurp ŋumwaiye.

Revelesen 11:15

Miꞌe pe, ŋam masande walip hlaꞌ syepumbur hoi ŋunduhulꞌe ŋoih kin pe, ŋam masande lenge walip hlaꞌ, ŋaiye yarp moihlaꞌ yohe timbiya jah yanange na, Got poi, topoꞌe miyeꞌ ŋaiye somohonme kin nalaŋatme, ŋaiye ka ungwisme lenge miyeꞌ tuweinge kin, tinge hindi bongol sekete tatame ka bepyeteme kekep lalme miꞌe pe, tinge hindi ka bepeteme ŋaiꞌe ŋaiꞌe lalme nye nyermbe.

Revelesen 15:1

Taꞌe luku pe, ŋam plihe metekeꞌe wutuꞌ ŋoinde tikin sai nanah ŋaitem pe, ŋam gunguru plai pe, ŋam ŋoihmeryembe wula wula. Lenge walip hlaꞌ syepumbur hoi yenge ŋoihmbwaip nihe syepumbur hoi tikin Got. Luku yuwo kin. Ŋaiye ka miꞌe pe, Got yukur ka se plihe ende ŋoihmbwaip nihe ende gunde yuwo luku, pakai, miꞌe ko.

Revelesen 16:1

Miꞌe pe, ŋam masande diꞌ ende tambah mah nase yukoh yirise tikin Got nalme lenge walip hlaꞌ syepumbur hoi taꞌe leꞌe, “Yi yuruꞌe ŋoihmbwaip nihe syepumbur hoi tikin Got yi juh kekep.”

Revelesen 8:13

Miꞌe pe, ŋam bep mal pe, ŋam metekeꞌe ŋinjet hapsalambwai ende tale tale gan nanah hlaꞌ. Pe ŋam masande ki ŋanange wusyep taꞌe miyeꞌ taꞌe leꞌe, “Ŋoihginir, ŋoihginir, ŋoihginir iyai amai mende lalme, ŋaiye yarp kekep! O sehei woh pa yusyunde diꞌ ŋoih lenge walip hlaꞌ hun ka yunduhulꞌe ŋoih pe, mane ŋembere pupwa ka ot lenge miyeꞌ tuweinge, ŋaiye yarp kekep no.”

Revelesen 8:6

Taꞌe luku pe, lenge walip hlaꞌ syepumbur hoi, ŋaiye yenge ŋoih syepumbur hoi yende miꞌmiꞌ no, ka yunduhulꞌe.

Revelesen 9:1

Taꞌe luku pe, walip hlaꞌ syepumbur ŋunduhulꞌe ŋoih kin pe, ŋam metekeꞌe wutukun embere tiye nasme moihlaꞌ na dul gah kekep. Pe nal syep wutukun uku, tinge si yaŋaꞌe lousikan tikin kohmap ŋeheh, ŋaiye gululul na gah nal.