Revelesen 8:11 - Urat New Testament

¹¹ Naŋ wutukun uku tinge jalme loumwah sepele, ŋaiye pupwa yehe wondohe. Taꞌe luku pe, pinip bwore ŋaiye tinge si jonose yiyarꞌe yal dom hun uku pe, wutukun uku ŋende loumwah dom ende pupwa sepele wondohe supule. Pe lenge mitiŋ wula wula yonoꞌe pinip pupwa luku pe, tinge lalme yule.

Revelesen 8:11 ပူးပေါင်းရင်းမြစ်များ

Hibru 12:15

Ŋoihme ŋaiye pa yusme ŋoihmbwaip ŋumwaiye tikin Got. Topoꞌe ŋoihme ŋaiye miyeꞌ tuweinge syeꞌ ka yende pupwa me yip ende miꞌe pe, ka ŋoihmbwaip nihe ininge wusyep pupwa pe, luku ki taꞌe ŋaiye lousep ŋaiye tikin sepele. Pe luku se ka ende yumbune laip bwore yip.

Revelesen 12:4

Kin nenge mondom kin ŋuhwarnge lenge wutukun syeꞌ tikin moihlaꞌ, ŋaiye tinge si yiyarꞌe lenge dom hun pe, ŋiche dom ende na gah kekep. Kut dom hoi teter yarp yanah moihlaꞌ. Hwaŋ uku gan ŋembep tuwei, ŋaiye da waraꞌe talah nange ŋupe ŋaiye ta waraꞌe pe, ka ono talah uku.

Revelesen 8:7

Pe walip hlaꞌ ŋendehei ŋunduhulꞌe ŋoih kin pe, ŋisih tahar gwah taꞌe ŋeser gul, topoꞌe nih terŋenge ŋoto wim nate gah kekep. Taꞌe luku pe, nih ono kekep dom ende, topoꞌe lou lalme dom ende, ŋaiye tinge si jonose yiyarꞌe yember dom hun. Kom nih ono peperiyeh lalme.

Revelesen 9:15

Walip hlaꞌ syepumbur ŋilyeh uku ŋesembele lenge walip hlaꞌ hoye hoye luku no, ka yongomb lenge miyeꞌ tuweinge dom ende, ŋaiye tinge si yoworꞌe yiyarꞌe lenge dom hun. Kut hoi teter ka yurp. Lenge walip hlaꞌ miꞌ supule hoye hoye luku somohonme Got narpe tinge nenge sai tatame ŋup kitikin uku, ŋaiye tinge ka yila yongombe lenge miyeꞌ tuweinge luku.

Revelesen 9:18

Ŋai pupwa hun uku, ŋaiye tas mut hos uku pe, nih, nihnom, topoꞌe ŋeser salpa nongomb lenge miyeꞌ tuweinge lalme dom ende, ŋaiye tinge si yoworꞌe yiyarꞌe lenge yal dom hun.