Revelesen 7:3 - Urat New Testament

³ Te yenge si ti, ya monote wutuꞌ tikin Got yer mil nungup lenge miyeꞌ tuweinge kitikin lalme no, ya se sisyeme tinge ti, pa yende yumbune kekep, topoꞌe loh pinip, topoꞌe lou.

Revelesen 7:3 ပူးပေါင်းရင်းမြစ်များ

Matyu 24:22

Kom Got ŋoiheryembe lenge miyeꞌ tuweinge ŋaiye kin si nalaŋatme tinge pe, kin ŋotombo ŋup syeꞌ ningingirhme nenge nat. O ŋaiye Got yukur ŋotombo ŋup syeꞌ tikin mane luku ŋaiye ka ot nenge nat pe, lenge miyeꞌ tuweinge lalme ka talai.

Matyu 24:31

O ka yunduhulꞌe ŋoih marnge supule pe, ka ember lenge walip hlaꞌ kin ka yilꞌe yilꞌe kekep lalme ŋaiye ka jaras lenge miyeꞌ tuweinge kitikin ŋaiye kin si nalaŋatme tinge yenge yute juhilyeh.”

Wusyep bwore tikin Jon 12:26

Lahmende ŋaiye kin nala ende wah me ŋam pe, ka gunde ŋam. Luh mune ŋaiye ma murp pe, miyeꞌ wah ŋam ka orp topoꞌe. Topoꞌe Yai ŋam ka aŋaꞌe naŋ embere elme lahmende ŋaiye ŋende wah me ŋam.

Wusyep bwore tikin Jon 3:33

Lahmende ŋaiye ŋasande wusyep uku no, kin nambaꞌe nohor tahaiꞌ ŋoihmbwaip kin pe, ki sambe nange Got kin ŋanange wusyep mise.

Pol nainge tup nal lenge Rom 6:22

Kom tukwini Got si nenge yip tupwaihme bongol tikin ŋoihmbwaip pupwa pe, yip yarp miyeꞌ wah kitikin. Taꞌe luku pe, pa yende ŋaiꞌe ŋaiꞌe junde ŋoihmbwaip bwore kitikin pe, yip pa yurp bwore bwarme, topoꞌe pa yambaꞌe laip bwore ŋaiye sai nye nyermbe.

Revelesen 13:16

Yowor telpei ganme ŋana lenge mitiŋ lalme na, “Lenge lahmende ŋaiye yambaꞌe naŋ embere lakai, ŋaiye naŋ pakai, topoꞌe lahmende ŋaiye miyeꞌ tuweinge lowe, lakai ŋaipwa ŋiꞌ, topoꞌe lenge miyeꞌ wah pakaiye, lakai ŋaiye yarp hlaininge pe, tinge ka lalme yambaꞌe wutuꞌ ende, ŋaiye ka si syep non, lakai nungup tinge.”

Revelesen 13:17

Lahmende ŋaiye wutuꞌ tikin naŋ yowor telpei yukur sai syep lakai nungup tinge pe, tinge yukur tatame ŋaiye ka yiche wuhyau yambaꞌe ŋaiꞌe ŋaiꞌe, topoꞌe yende windau me ŋaiꞌe ŋaiꞌe, pakai. Wutuꞌ uku ki nalaŋatme naŋ lakai wutuꞌ tikin yowor telpei uku, ŋaiye ŋoinde tikin supule.

Revelesen 14:1

Ŋam bep mal hwate Saion pe, ŋam metekeꞌe Worsip Talah nenge lenge miyeꞌ tuweinge 144,000 kitikin jan. Na nah nungup lenge miyeꞌ tuweinge luku pe, naŋ Worsip Talah, topoꞌe naŋ Yai kin sai tinge.

Revelesen 14:9

Walip hlaꞌ hun kin plihe gande walip hlaꞌ hoi, ŋaiye si yat yer tambah mah ŋanange na, “Lahmende ŋaiye ka asarꞌe ŋimbep ahraꞌe naŋ yirisukwarme yowor telpei ŋoinde tikin supule, topoꞌe yipihinge, ŋaiye miyeꞌ yenge syep taihelou yende no, kin nambaꞌe wutuꞌ ŋaiye sai syep, lakai nungup kin pe, ka onoꞌe pinip bongol ŋoinde tikin.”

Revelesen 19:2

Got kin miyeꞌ bwore mise, topoꞌe wusyep kot kin uku ki mise, topoꞌe ki bwore bwarme supule. Kin si ŋende yumbune tuwei, ŋaiye wende niŋ pinip yar, topoꞌe lenge miyeꞌ tuweinge, ŋaiye yarp kekep, ŋaiye ti kwite lenge ya yende niŋ pinip yar. Topoꞌe Got plihe nungwisme nihe syohe nalme ti, ŋaiye ti wongomb lenge miyeꞌ wah kin.

Revelesen 20:4

Miꞌe pe, ŋam bep mal pe, ŋam metekeꞌe luh yilihe wula wula tate. Pe ŋam metekeꞌe yipihinge lenge mitiŋ wula yarp luh uku. Lenge mitiŋ ŋaiye yarp uku pe, somohonme tinge yotombo wonge tinge, ŋaiye tinge yanange yalaŋatme wusyep mise Jisas, topoꞌe wusyep tikin Got. Lenge mitiŋ uku yukur yisarꞌe ŋimbep me yowor telpei, ŋaiye ŋoinde tikin, topoꞌe yipihinge kin, ŋaiye miyeꞌ taihelou yende. Topoꞌe tinge yukur yambaꞌe wutuꞌ yowor telpei uku yal syep topoꞌe nungup tinge, pakai supule. Tinge si plihe tahar yate yarp laip pe, tinge yarp yanah luh yilihe luku. Got nangange lenge bongol, ŋaiye ka lalme yurp kiŋ topoꞌe Krais bepyeteme kekep eꞌe yi tutume wahtaip 1,000.

Revelesen 22:4

Topoꞌe tinge ka yetekeꞌe ŋembep mohro kin pe, kin ka inge naŋ kin e si nungup tinge.

Revelesen 6:6

Pe ŋam masande diꞌ miyeꞌ ende nas nal bumbumbe me walip hlaꞌ miꞌ supule hoye hoye luku, ŋaiye yarp laip nat ŋanange taꞌe na, “Ni el ende wah nin no, lenge miyeꞌ tuweinge ka seheiꞌe ŋai. Taꞌe luku pe, yitini ŋaiye lenge miyeꞌ ka yambaꞌe ŋup ilyeh pe, luku ki tatame ŋaiye ka yiche wuhyau yambaꞌe marp malaih wit lakai, marp malaih hun bali ilyehme. Kut yukur na ende yumbune lou olip, topoꞌe lou wain.”

Revelesen 7:1

Ŋaiꞌe ŋaiꞌe luku nat nal miꞌe pe, ŋam metekeꞌe lenge walip hlaꞌ miꞌ supule hoye hoye jan yal kekep tikih hoye hoye burumbur yonyorꞌme kekep. Tinge syep yarpe yohe hoye hoye yenge sai no, yukur tatame ŋaiye ka si yusupurꞌe kekep, loh pinip topoꞌe lou, pakai.

Revelesen 7:2

Pe ŋam metekeꞌe walip hlaꞌ ende nase nal ŋaiye ŋau ŋanah nat. Kin nenge wutuꞌ tikin Got, ŋaiye narp laip, nange ka alaŋatme lenge miyeꞌ tuweinge kin pe, ki wusyep bar marnge nal lenge walip hlaꞌ miꞌ supule hoye hoye pe, kin nangang lenge bongol, ŋaiye ka yende yumbune kekep topoꞌe loh pinip.

Revelesen 9:4

Got si ŋana lenge na, “Pa yusme lou topoꞌe syipsyap, topoꞌe peperiyeh ka si, kut yende yumbun lenge mitiŋ, ŋaiye yukur si yambaꞌe wutuꞌ ŋam yal nungup tinge.”