Revelesen 7:10 - Urat New Testament

¹⁰ Tinge tambah mah yal hlaꞌ yanange na, “Got poi, ŋaiye narp luh yilihe kitikin, topoꞌe Worsip Talah, tinge hindi yungwisme poi.”

Revelesen 7:10 ပူးပေါင်းရင်းမြစ်များ

Wusyep bwore tikin Luk 3:6

Miꞌe pe, lenge miyeꞌ tuweinge na gah kekep eꞌe lalme ka yetekeꞌe Miyeꞌ nungwisme tikin Got.’ ”

Wusyep bwore tikin Jon 1:29

Nyermbe pe, Jon ŋetekeꞌe Jisas natme kin pe, Jon ŋanange na, “Yetekeꞌe! Kin Worsip Talah tikin Got, ŋaiye nongohe ŋoihmbwaip pupwa lenge miyeꞌ tuweinge tikin kekep!

Wusyep bwore tikin Jon 1:36

O ŋupe ŋaiye kin ŋetekeꞌe Jisas nat nal pe, kin ŋanange na, “Yetekeꞌe! Luku Worsip Talah tikin Got.”

Wusyep bwore tikin Jon 4:22

Yip lenge Samaria yukur sisyeme lahmende ŋaiye yip yirisukwarme. Kom poi lenge Juta sisyeme lahmende ŋaiye poi mirisukwarme. Detale, Got si nalaŋatme poi Juta ŋaiye ya mil yerme wah ŋaiye yungwisme lenge miyeꞌ tuweinge.

Efesus 2:8

Got kin ŋoihginirme yip ti, kin plihe nambaꞌe yip pe, ŋoihmbwaip yip teŋeime Krais. Pe yukur pa yambaꞌe naŋ embere me ŋai uku, pakai. Luku yitini tikin Got ŋaiye kin yal yip pakaiye.

Revelesen 12:10

Taꞌe luku pe, ŋam masande diꞌ miyeꞌ ende, ŋaiye narp nanah moihlaꞌ tambah mah ŋanange na, Tukwini Got poi si yohe wondoh miꞌe pe, tukwini bongol kin si nate tas halhale, ŋaiye ka orp tuꞌe kiŋ. Pe miyeꞌ uku ŋaiye kin si nalaŋatme, ŋaiye ka ungwisme lenge miyeꞌ tuweinge kin pe, kin si nambaꞌe wutuꞌ embere, topoꞌe bongol, ŋaiye ka embepteme kekep lalme. Detale, miyeꞌ pupwa Satan yukur tatame ŋaiye ka se el gin ŋembep tikin Got ende wusyep iniꞌe lenge toꞌ tatai poi ŋupe ŋau ŋaiye tinge yende hwap. Tinge si yiche miyeꞌ pupwa luku yasme moihlaꞌ ya jah kekep.

Revelesen 19:1

Ŋaiꞌe ŋaiꞌe luku nal miꞌe pe, ŋam masande nal moihlaꞌ pe, lenge miyeꞌ tuweinge wondoh embere yosoko wenersep marnge taꞌe leꞌe, Ya hriphrip mirisukwarme Got. Got poi ilyeh kin nungwisme poi. Kin nambaꞌe naŋ embere, topoꞌe bongol supule.

Revelesen 21:5

Miꞌe pe, miyeꞌ uku ŋaiye narp luh yilihe kitikin ŋanange na, “Tukwini ŋam ma mende ŋaiꞌe ŋaiꞌe lalme ŋambaran.” Pe ki plihe ŋana ŋam na, “Inge wusyep eꞌe, ŋaiye ŋam si mana nin. Detale, wusyep lalme luku ki bwore mise. Topoꞌe lenge mitiŋ lalme ka sisyeme nange wusyep uku ki mise.”

Revelesen 22:3

Ŋaiꞌe ŋaiꞌe lalme, ŋaiye Got garnge yukur ka se inir oto moi uku. Luh yilihe, ŋaiye Got hindi Worsip Talah yarp ŋilyehme ka si oto moi uku. Pe lenge miyeꞌ tuweinge tikin Got ka yirisukwarme kin.

Revelesen 4:6

Topoꞌe ŋoyorꞌme luh yilihe luku pe, ŋainde ki sai. Ki taꞌe loh pinip embere, ŋaiye tinge yenge glas yende pe, ki gendei supule. Topoꞌe nal melseh umbur umbur nal teket, topoꞌe tapam tikin luh yilihe luku pe, lenge walip hlaꞌ miꞌ supule hoye hoye tinge yarp. O nal teket topoꞌe tapam, ŋaiye wahriꞌ tinge pe, ŋembep tinge wula wula koro koro sai ŋoyorꞌme wahriꞌ tinge.

Revelesen 5:7

Taꞌe luku pe, Worsip Talah nambaꞌe tup, ŋaiye tikir syep non tikin miyeꞌ, ŋaiye narp nanah luh yilihe luku.