Revelesen 21:3 - Urat New Testament

³ Pe ŋam masande diꞌ ende tahar yohe timbiya nase luh yilihe tikin Got, ŋaiye narp ŋanange nat taꞌe leꞌe, “Yisyunde leꞌe, tukwini moi tikin Got si nate gah sai topoꞌe lenge miyeꞌ tuweinge kitikin! Ka orp topoꞌe tinge pe, tinge ka yurp miyeꞌ tuweinge kitikin. Mise, Got kitikin ka orp otop tinge.

Revelesen 21:3 ပူးပေါင်းရင်းမြစ်များ

Wusyep bwore tikin Jon 1:14

Wusyep uku kin nat taꞌe miyeꞌ hiꞌ pe, kin narp topoꞌe poi. Ŋoih miꞌmiꞌ topoꞌe ŋoihmbwaip mise papararme kin. Poi si metekeꞌe yirise miꞌ kin. Yai naŋaꞌe wutuꞌ nalme Talah esep ilyeh uku ŋaiye kin nember nat.

Wusyep bwore tikin Jon 14:23

Jisas nungwisme wusyep kin na, “Lahmende ŋaiye ŋende nihararme ŋam pe, kin se ka gunde wusyep ŋam bworerme. Yai ŋam ka ende nihararme kin, topoꞌe poi ya hindi muta murp motop kin.

2 Korin 6:16

Tatame ŋaiye na ambaꞌe yipihinge got homboꞌe enge el yukoh yirise tikin Got, lakai? Pakai lalme. Poi yukoh yirise tikin Got, taꞌe ŋaiye Got kitikin ŋanange, Ŋam ma murp motop tinge, topoꞌe ma mile mut murp bumbe me tinge. Ŋam ma Got tinge, topoꞌe tinge ka miyeꞌ tuweinge ŋam.

2 Korin 6:18

Ŋam yai yip, o yip lahtuweinge miyeꞌ ŋam. Lahmborenge ŋaiye bongol sekete kin ŋanange wusyep uku.

1 Tesalonaika 3:11

Poi misilihme Got, topoꞌe Lahmborenge poi Jisas ŋaiye ka yende yaŋah ŋaiye poi ya muta metekeꞌ yip.

Hibru 11:16

Kom tinge yukur ŋoiheryembe moi yerme tinge luku, pakai. Tinge yisande tikin ŋaiye ka yambaꞌe kekep ambaran ŋoinde. Ki bwore miꞌ supule nengelyembe kekep yere luku. Kekep uku, moihlaꞌ. Lenge miyeꞌ uku yiname Got taꞌe leꞌe, “Nin Got poi”. Got yukur hiꞌe wusyep uku ŋaiye tinge yanange, kut kin si ŋende miꞌmiꞌ moi embere ende me lenge miyeꞌ uku.

Hibru 8:10

Kom kontrak ambaran ŋaiye mindemboi ma mende motop lenge miyeꞌ tuweinge Israel pe, ŋam Got manange taꞌe leꞌe: Ŋam ma mende tinge ka ŋoiheryembe wusyep erŋeme ŋam pe, ka yohor tihiꞌ yoto ŋoihmbwaip tinge. Pe ma murp tuꞌe Got tinge pe, tinge ka yurp tuꞌe lenge miyeꞌ tuweinge ŋam.

Hibru 8:2

Kin ŋende wah taꞌe pris ondoh nanah moi yirise supule nato yokoh sel tikin Got. Yukur miyeꞌ pakaiye ŋahraꞌe yokoh sel yirise luku, pakai. Got kitikin ŋahraꞌe yokoh sel luku me wah kin ŋilyehme.

Revelesen 10:4

Dindiꞌ ŋup uku ŋaiye ŋaitem dulul ni syepumbur hoi pe, ŋam da minge wusyep, ŋaiye ŋam masande. Kom ŋam masande miyeꞌ ende narp nanah moihlaꞌ ŋana ŋam taꞌe leꞌe, “Yukur na inge ŋaimune ŋaiye nin si ŋasande, na pakai. Ka si ŋoihmbwaip tei.”

Revelesen 10:8

Taꞌe luku pe, ŋam plihe masande diꞌ miyeꞌ ende nase moihlaꞌ nat ŋana ŋam taꞌe leꞌe na, “El ambaꞌe tup uku, ŋaiye si sisil tikir nal syep tikin walip hlaꞌ, ŋaiye gan nal loh pinip topoꞌe kekep.”

Revelesen 12:10

Taꞌe luku pe, ŋam masande diꞌ miyeꞌ ende, ŋaiye narp nanah moihlaꞌ tambah mah ŋanange na, Tukwini Got poi si yohe wondoh miꞌe pe, tukwini bongol kin si nate tas halhale, ŋaiye ka orp tuꞌe kiŋ. Pe miyeꞌ uku ŋaiye kin si nalaŋatme, ŋaiye ka ungwisme lenge miyeꞌ tuweinge kin pe, kin si nambaꞌe wutuꞌ embere, topoꞌe bongol, ŋaiye ka embepteme kekep lalme. Detale, miyeꞌ pupwa Satan yukur tatame ŋaiye ka se el gin ŋembep tikin Got ende wusyep iniꞌe lenge toꞌ tatai poi ŋupe ŋau ŋaiye tinge yende hwap. Tinge si yiche miyeꞌ pupwa luku yasme moihlaꞌ ya jah kekep.

Revelesen 21:7

Ŋaiye miyeꞌ syeꞌ ka yohe wondoh pe, ma se maŋaꞌe ŋaiꞌe ŋaiꞌe luku mil me tinge. Topoꞌe ŋam se ma murp Got kin pe, kin ka orp talah ŋam.

Revelesen 22:3

Ŋaiꞌe ŋaiꞌe lalme, ŋaiye Got garnge yukur ka se inir oto moi uku. Luh yilihe, ŋaiye Got hindi Worsip Talah yarp ŋilyehme ka si oto moi uku. Pe lenge miyeꞌ tuweinge tikin Got ka yirisukwarme kin.

Revelesen 7:15

Pe leꞌe tehei kin ti, tinge yate jan yonyorꞌme luh yilihe tikin Got, topoꞌe nyermbe nyermbe ŋupe ŋau tinge yahraꞌe naŋ tikin Got yarp yoto yukoh yirise tikin Got. Miyeꞌ ŋaiye nyermbe nyermbe narp luh yilihe luku, se ka orp embepteme tinge.