Revelesen 2:14 - Urat New Testament

¹⁴ Kom ma mini yip wusyep hraꞌembep ende ŋaiye yip si yende pupwa taꞌe leꞌe. Lenge mitiŋ yip syeꞌ teter yarpe, topoꞌe jande wusyep ŋaiye Belam nalaŋatme nalme tinge. Kin nasambe Balak yaŋah ŋaiye ka homboꞌe yeh lenge miyeꞌ tuweinge Israel ŋaiye ka yende pupwa. Pe Balak ŋahraꞌe ŋoihmbwaip lenge miyeꞌ tuweinge Israel, ŋaiye ka yono yuwor syeꞌ uku, ŋaiye tinge yende ofa yalme got homboꞌe, topoꞌe ka yende niŋ pinip yar.

Revelesen 2:14 ပူးပေါင်းရင်းမြစ်များ

Matyu 18:7

Ŋoihginir lenge miyeꞌ tuweinge ŋaiye yende lenge mitiŋ syeꞌ yende hwap no, tinge tambe. Ŋaimune ŋaiye taꞌe luku se ka ot. Kom ŋoihginirme lenge miyeꞌ ŋaiye yende ŋai uku no, ki nat.

Aposel 15:29

Yukur pa yono yuwor ŋaiye mitiŋ syeꞌ si yember yirisukwarme got homboꞌe tinge, topoꞌe yukur pa yono wim, topoꞌe yukur pa yono yowor ŋaiye tinge chite mwah yonombe ŋaiye wim teter sai nato yowor meleꞌe, topoꞌe yukur pa yende niŋ pinip yar, na pakai. Ŋaiye pa yenge wahriꞌ yip yosokome ŋaiꞌe ŋaiꞌe luku pe, pa yurp bworerme.”

Aposel 21:25

Poi si member wusyep mal lenge Kristen ŋaiye somohon haiten pe, poi mana lenge ŋoihmbwaip poi ŋaiye yukur ka yono ŋai ŋaiye mitiŋ syeꞌ si yember yirisukwarme got homboꞌe tinge, topoꞌe yukur ka yono wim, topoꞌe yukur ka yono yowor ŋaiye tinge yonombe no, wim teter sai nato yowor meleꞌe, topoꞌe yukur ka yende niŋ pinip yar, na pakai.”

Pol nainge tup nal lenge Rom 11:9

Dewit plihe ŋanange wusyep ilyeh uku taꞌe leꞌe, Ŋupe ŋaiye ka juhilyeh yono ŋai embere pe, ŋup pupwa ka ende yumbune tinge. Ka tuꞌe ŋaiye ni nenge tem narpe hroꞌ, topoꞌe ka tuꞌe ŋeheh ende ŋaiye ka tumbe yi juh no, ŋeser ka gere ŋihip tinge pe, ka yambaꞌe yitini pupwa tinge.

Pol nainge tup nal lenge Rom 14:13

Taꞌe luku pe, yukur ya miyarꞌe lenge Kristen toꞌ tatai. Yukur ya mende ŋaiꞌe ŋaiꞌe syeꞌ ŋaiye ka ende lenge toꞌ tatai ŋaiye ka tumbe hwap, na pakai.

Pol nainge tup nal lenge Rom 14:21

Ki bwore ŋaiye yukur pa yono yuwor, topoꞌe yonoꞌe pinip kwote, topoꞌe pa yende ŋaiꞌe ŋaiꞌe syeꞌ ŋaiye ka ende toꞌ yip ka tumbe e oto hwap.

Pol nainge tup nal lenge Rom 9:32

Detale, tinge yukur jande yaŋah ŋaiye yaŋaꞌe ŋoihmbwaip tinge yalme Got, pakai. Tinge ŋoiheryembe nange ka yende wah nihe pe, ka yurp bwore bwarme. Ŋeser ende kin gere ŋihip tinge pe, tinge tambe.

1 Korin 1:23

O poi pe, poi manange malaŋatme wusyep me nule tikin Krais nal loutungwarmbe. Kom ŋaiye ŋoiheryembe lenge Juta pe, tinge yanange wusyep uku ki pupwa gonombaiꞌe Got. Topoꞌe lenge Grik pe, tinge yanange nange wusyep uku pupwa homboꞌe ŋaiye ka yusyunde.

1 Korin 7:2

Ki bwore, kom ŋam ŋoiheryembe ŋaiye ki bwore ŋaiye miyeꞌ ka enge tuwei, topoꞌe tuwei ta windiꞌe miyeꞌ no, yukur ka yende niŋ pinip yar.

Hibru 13:4

Dindiꞌ pe, ki bwore supule, kom yip miyeꞌ tuweinge pa yembepteme dindiꞌ yip bworerme. Got se ka ende yumbune lenge miyeꞌ tuweinge ŋaiye yende niŋ pinip yar.

1 Pita 2:8

Wusyep ende sai Tup tikin Got ŋanange na, Tumwange luku mindemboi ka ende lenge miyeꞌ tuweinge ka tumbe. Tehei kin ŋaiye ka tumbe taꞌe leꞌe, ŋoihmbwaip tinge yukur teŋeime wusyep tikin Lahmborenge. Leꞌe wusyep ŋaiye somohonme Got si nalaŋatme nalme tinge ŋaiye ka junde.

2 Pita 2:15

Tinge si yasme yaŋah bwore pe, tinge si talai miꞌe. Tinge jande ŋihip wutuꞌ tikin Belam, talah tikin Beor, ŋaiye kin ŋasande ka ambaꞌe wuhyau unuh hlaꞌ me pupwa ŋaiye kin ŋende.

Tup ŋaiye Jut nainge 1:11

Tukwini ka yosoko pupwa supule. Tinge si jande yaŋah ŋaiye Kein ŋende. O tinge plaime wuhyau pe, tinge yenge tititinge ya yoto yaŋah homboꞌe ŋaiye somohonme Belam ŋende. Tinge plihe yende molohe taꞌe Kora ŋaiye ŋende pe, mindemboi Got ka ongombe tinge ŋahilyeh tuꞌe ŋaiye kin ŋonombe Kora.

Revelesen 2:20

Kom tuhwar ŋam nalme yip pe, ki taꞌe leꞌe: Yip yambaꞌe Jesebel wa warp wotop yip pe, yukur yip yanange wusyep yindindir me ti. Ti wanange nange ti profet ende pe, ti wanange walaŋatme wusyep pupwa wal lenge miyeꞌ wah ŋam nange ka yende niŋ pinip yar, topoꞌe ka yono yuwor syeꞌ ŋaiye tinge yende ofa yalme got homboꞌe.

Revelesen 2:4

Kom tuhwar ŋam nalme yip ki taꞌe leꞌe, yip si yasme ŋoihmbwaip bwore yip, ŋaiye ŋendeheiyeh yip yende nihararme ŋam.

Revelesen 21:8

Kom lenge lahmende ŋaiye jarnge ŋaiye ka yikirh mande ŋam, topoꞌe ŋaiye ŋoihmbwaip tinge yukur teŋeime Got, topoꞌe mitiŋ ŋaiye yende ŋaiꞌe ŋaiꞌe tetehei pupwa, topoꞌe lenge mitiŋ ŋaiye yongombe miyeꞌ yule, topoꞌe lenge mitiŋ ŋaiye yende niŋ pinip yar, topoꞌe lenge mitiŋ ŋaiye yende ŋimbim yar, topoꞌe lenge lahmende ŋaiye yasarꞌe ŋimbep me got homboꞌe, topoꞌe lenge lahmende ŋaiye yanange wusyep molohe pe, moi tinge sai nal nih ŋeheh embere ŋaiye paparar me ŋeser, ŋaiye woyol riri sai nye nyermbe. Nih uku tinge jalme nule ni hoi.”

Revelesen 22:15

Kut lenge miyeꞌ tuweinge ŋaiye yende ŋaiꞌe ŋaiꞌe tetehei pupwa, topoꞌe lenge mitiŋ ŋaiye yende ŋimbim yar, topoꞌe mitiŋ ŋaiye yende niŋ pinip yar, topoꞌe lenge mitiŋ ŋaiye yongomb lenge mitiŋ yule, topoꞌe lenge mitiŋ ŋaiye yahraꞌe naŋ tikin got homboꞌe, topoꞌe lenge mitiŋ ŋaiye hriphrip yanange wusyep molohe pe, lenge mitiŋ, ŋaiye taꞌe luku, yukur ka yi yoto moi tikin Got.