Revelesen 18:3 - Urat New Testament

³ Lenge miyeꞌ tuweinge moiye moiye lalme, topoꞌe lenge kiŋ kekep si yende niŋ pinip yar yotop ti. Ki taꞌe ŋaiye tinge yonoꞌe wain pupwa ŋaiye niŋ pinip yar. Topoꞌe lenge miyeꞌ, ŋaiye yende windau me ŋaiꞌe ŋaiꞌe si tahar miyeꞌ lowe. Detale, lenge miyeꞌ tuweinge moi wula wula yiche wuhyau embere yalme tinge yambaꞌe ŋaiꞌe ŋaiꞌe wula wula.”

Revelesen 18:3 ပူးပေါင်းရင်းမြစ်များ

Wusyep bwore tikin Luk 7:25

Ta pakai pe, yip yal ŋaiye pa yetekeꞌe lahmende? Yip yala yetekeꞌe miyeꞌ ŋaiye dendeꞌ hihyilih miꞌ supule? Pakai! Lenge miyeꞌ tuweinge ŋaiye dendeꞌ hihyilih taꞌe liki, topoꞌe tinge tatame ŋaiꞌe ŋaiꞌe tetehei bwore pe, tinge yarp ya yoto yokoh embere miꞌ supule tikin kiŋ ende.

1 Timoti 5:11

Kom yukur pa yambaꞌe naŋ lenge tuweinge simbihyeꞌ ŋaiye ŋope, na pakai. Tehei kin taꞌe leꞌe, ŋupe ŋaiye ŋoihmbwaip tinge tahar ŋaiye ka plihe dindiꞌ pe, ka yaŋaꞌe teket me Krais.

Revelesen 14:8

Walip hlaꞌ ŋoinde, ŋaiye gande walip hlaꞌ, ŋaiye nal yer ŋanange na, “Moi embere Babilon si pupwa yehe supule. Mise, ti si pupwa supule. Moi Babilon si wende lenge miyeꞌ tuweinge lalme jande niŋ pinip yar, ŋaiye ti wende. Ki taꞌe ŋaiye ti wangang lenge pinip bongol, ŋaiye ka yende niŋ pinip yar pe, tinge ka yonoꞌe luku pe, ka yende kwite kwote.”

Revelesen 17:2

Lenge kiŋ yotop ti yende niŋ pinip yar. Lenge miyeꞌ tuweinge kekep yonoꞌe pinip wain ti, pe, tinge si yende kwite kwote, topoꞌe tinge jande ti yende niŋ pinip yar.”

Revelesen 18:19

Tinge tangarh yihimbiliꞌ pe, tinge yilil jonos jonos na, Ŋoihginirme, ŋoihginirme moi embere luku! Ti moi embere, ŋaiye lenge loumbil pinip moiye moiye yat pe, yai tehei loumbil pinip nambaꞌe wuhyau embere, ŋaiye Babilon wiche wuhyau wambaꞌe ŋaiꞌe ŋaiꞌe bwore bwore tinge. Kom nilyehe sai, ti si wangalaime ŋaiꞌe ŋaiꞌe lalme luku miꞌe ko.

Revelesen 18:23

Yukur lenge miyeꞌ tuweinge ka plihe yetekeꞌe nih lam ende ka riri aŋarꞌe si moi uku. Topoꞌe yukur ka plihe yusyunde diꞌ wusyep lenge miyeꞌ topoꞌe tuweinge yala dindiꞌ. Somohon lenge miyeꞌ, ŋaiye yende windau me ŋaiꞌe ŋaiꞌe ti, tinge bongol sekete, ŋaiye bepyeteme kekep lalme, topoꞌe wah molohe ti, ŋaiye wende ŋimbim yar pe, tinge homboꞌe yehme lenge miyeꞌ tuweinge lalme moiye moiye.

Revelesen 18:7

Yaŋaꞌe nihe syohe embere embere, ŋaiye ka tungwisme wusyep pupwa tititi nange ti lahmborenge bongol sekete, topoꞌe ti tatame ŋaiꞌe ŋaiꞌe wula wula sekete. Ti wanange titi na, ‘Ŋam marp taꞌe tuwei ondoh eꞌe. Ŋam miyeꞌ pakai, ŋaiye ka ole no, ma milil me kin.’

Revelesen 18:9

Lenge kiŋ kekep, ŋaiye yotop ti yende niŋ pinip yar, topoꞌe ŋoihmbwaip, ŋaiye yende nihararme ŋaiꞌe ŋaiꞌe ti pe, tinge ka yilil me moi embere luku ŋupe ŋaiye ka yetekeꞌe nihnom tikin nih, ŋaiye ka ono ti.