Revelesen 16:7 - Urat New Testament

⁷ Miꞌe pe, ŋam masande diꞌ miyeꞌ ende nase alta ŋanange na, Got Lahmborenge, nin Bongol Sekete! Nin ŋiyarꞌe ŋaimune ŋaiye lenge miyeꞌ tuweinge lalme yende pe, ŋiyarꞌe nin ki bwore mise supule, topoꞌe kin bwarme.

Revelesen 16:7 ပူးပေါင်းရင်းမြစ်များ

Revelesen 1:8

Got Lahmborenge ŋaiye bongol sekete ŋanange na, “Ŋam miyeꞌ endehei, topoꞌe ŋam miyeꞌ yuwo. Ŋam Got ŋaiye somohonme yerkeime marp, tukwini dindiꞌe leꞌe ŋam marp, topoꞌe mindemboi ma mut.”

Revelesen 13:10

Ŋaiye Got ka alaŋatme miyeꞌ ende nange miyeꞌ uku ka el mwahupwaiꞌe pe, kin ka el mwahupwaiꞌe. O ŋaiye Got ka alaŋatme miyeꞌ ende nange lenge miyeꞌ ka yenge ŋim ŋombor yonombe kin pe, ka yenge ŋim ŋombor yonombe kin ka ole. Ŋupe ŋaiye ŋaiꞌe ŋaiꞌe taꞌe luku ka ot pe, lenge miyeꞌ tuweinge tikin Got ka jin bongole, topoꞌe ka yurpe gare ŋoiheryembe mise tinge.

Revelesen 14:10

Pinip bongol uku pe, ki ŋoihmbwaip nihe tikin Got. Kin yukur ŋuluwih me topoꞌe pinip, pakai. Got ka uwilꞌe ŋoihmbwaip nihe kin uku e guh yaŋ, ŋaiye lenge mitiŋ yukur ka tupwaihme, ŋaiye ka yonoꞌe pinip bongol uku. Lenge mitiŋ uku ka yambaꞌe nihe syohe pupwa, ŋaiye nih ŋeser woyol salpa luku susyuꞌ no, ka gute tinge guh ŋembep lenge walip hlaꞌ yirise, topoꞌe Worsip Talah.

Revelesen 14:18

O walip hlaꞌ ŋoinde ŋaiye bepeteme nih, ŋaiye sai anah alta Got nat. Kin bongol sekete pe, kin bepeteme nih. Kin tambah mah galme walip hlaꞌ yere, ŋaiye nenge ŋim ŋombor, ŋaiye tikin gandai sekete ŋaname na, “Wain esep lalme na gah kekep, ŋaiye wah wain si gwinim. Taꞌe luku pe, enge ŋim ŋombor nin, ŋaiye gandai iki otombo wain esep wehe rome tikin kekep.”

Revelesen 19:2

Got kin miyeꞌ bwore mise, topoꞌe wusyep kot kin uku ki mise, topoꞌe ki bwore bwarme supule. Kin si ŋende yumbune tuwei, ŋaiye wende niŋ pinip yar, topoꞌe lenge miyeꞌ tuweinge, ŋaiye yarp kekep, ŋaiye ti kwite lenge ya yende niŋ pinip yar. Topoꞌe Got plihe nungwisme nihe syohe nalme ti, ŋaiye ti wongomb lenge miyeꞌ wah kin.

Revelesen 6:9

Ŋupe ŋaiye Worsip Talah nesembele ŋap yaih syepumbur kin pe, ŋam metekeꞌe yipihinge lenge miyeꞌ ŋaiye somohonme yule jan yoto tuwihme alta tikin Got. Tinge lenge miyeꞌ uku somohonme tinge yongomb lenge yule. Detale, tinge yende wah tikin Got, topoꞌe yukur yasme ŋaiye yalaŋatme wusyep tikin Got.