Revelesen 15:4 - Urat New Testament

⁴ Lahmborenge, nin ŋilyehe sai, nin narp holi bwore mise supule. Taꞌe luku pe, lenge miyeꞌ tuweinge lalme ka hiꞌjirnge nin pe, ka yule naŋ embere yilme nin. Lenge miyeꞌ tuweinge lalme kekep ka yuta yisarꞌe ŋimbep yirisukwarme nin. Detale, ŋoihmbwaip bwore bwarme nin tinge si yetekeꞌ miꞌe.

Revelesen 15:4 ပူးပေါင်းရင်းမြစ်များ

Pol nainge tup nal lenge Rom 15:9

Topoꞌe ki ŋasande ŋaiye lenge haiten miyeꞌ tuweinge ka yetekeꞌe ŋoih miꞌmiꞌ tikin Got pe, ka yahraꞌe naŋ kin junde wusyep ŋaiye sai nato Tup tikin Got ŋaiye ŋanange na, Taꞌe luku pe, ma mahraꞌe naŋ nin guh bumbe me lenge haiten miyeꞌ tuweinge. Topoꞌe ma mosoko wenersep ŋaiye mirisukwarme naŋ nin.

1 Pita 1:16

Wusyep sai nato Tup tikin Got ŋanange taꞌe leꞌe, Yip pa yurp holi bwore mise supule tuꞌe ŋaiye ŋam marp holi bwore mise supule.

Revelesen 11:15

Miꞌe pe, ŋam masande walip hlaꞌ syepumbur hoi ŋunduhulꞌe ŋoih kin pe, ŋam masande lenge walip hlaꞌ, ŋaiye yarp moihlaꞌ yohe timbiya jah yanange na, Got poi, topoꞌe miyeꞌ ŋaiye somohonme kin nalaŋatme, ŋaiye ka ungwisme lenge miyeꞌ tuweinge kin, tinge hindi bongol sekete tatame ka bepyeteme kekep lalme miꞌe pe, tinge hindi ka bepeteme ŋaiꞌe ŋaiꞌe lalme nye nyermbe.

Revelesen 14:7

Kin tambah mah ŋanange na, “Hiꞌ jirnge Got pe, yahraꞌe naŋ kin ilyehme. Ŋup se nat sehei, ŋaiye ka iyarꞌe ŋaimune ŋaiye lenge miyeꞌ tuweinge ilyeh ilyeh yende el wusyep kot. Yisarꞌe ŋimbep me miyeꞌ ŋaiye ŋende moihlaꞌ, kekep, loh pinip, topoꞌe pinip ŋeheh.”

Revelesen 16:5

Pe ŋam masande walip hlaꞌ, ŋaiye bepeteme pinip ŋaname Got na, Got, nin bwore bwarme. Nin Got, ŋaiye tukwini nin narp, topoꞌe yerkeime nin narp. Nin si ŋiyarꞌe lenge miyeꞌ tuweinge lalme pe, ŋaimune pupwa ŋaiye nin nungwisme natme tinge pe, ki bwore bwarme supule.

Revelesen 16:7

Miꞌe pe, ŋam masande diꞌ miyeꞌ ende nase alta ŋanange na, Got Lahmborenge, nin Bongol Sekete! Nin ŋiyarꞌe ŋaimune ŋaiye lenge miyeꞌ tuweinge lalme yende pe, ŋiyarꞌe nin ki bwore mise supule, topoꞌe kin bwarme.

Revelesen 19:2

Got kin miyeꞌ bwore mise, topoꞌe wusyep kot kin uku ki mise, topoꞌe ki bwore bwarme supule. Kin si ŋende yumbune tuwei, ŋaiye wende niŋ pinip yar, topoꞌe lenge miyeꞌ tuweinge, ŋaiye yarp kekep, ŋaiye ti kwite lenge ya yende niŋ pinip yar. Topoꞌe Got plihe nungwisme nihe syohe nalme ti, ŋaiye ti wongomb lenge miyeꞌ wah kin.

Revelesen 19:8

Got si naŋaꞌe hihyilih yilihe, ŋaiye wukauwe supule no, ta dendeꞌ. Pe luku ki sasambe wah bwore bwarme, ŋaiye lenge miyeꞌ tuweinge tikin Got si yende.

Revelesen 3:7

Miꞌe pe, kin ŋana ŋam na, “Inge wusyep eꞌe elme walip hlaꞌ tikin Got, ŋaiye bepteme sios, ŋaiye sai ŋoto moi Filadelfia. Wusyep uku ki taꞌe leꞌe: Ŋam holi bwore mise supule, topoꞌe ŋam miyeꞌ mise supule. Ŋam menge lousikan tikin Dewit. Ŋaimune ŋaiye ŋam kumbur pe, yukur miyeꞌ ende tatame, ŋaiye ka se gise. Topoꞌe ŋaiye ŋam gwase pe, yukur miyeꞌ ende tatame ka kumbur.

Revelesen 4:8

O lenge walip hlaꞌ miꞌ supule hoye hoye, ŋaiye yarp laip uku pe, ilyeh ilyeh tinge luku ŋinjet yohe syepumbur ilyeh gere sai tinge. Ŋembep wula sai ŋoyorꞌme yohe tinge nal teket topoꞌe nat tapam, topoꞌe ŋoto yohe tuwihe tinge. Topoꞌe ŋupe ŋau tinge yosoko wenersep, Nin holi, holi, holi, nin Lahmborenge Got ŋaiye bongol supule, tukwini nin narp, minde na orp, topoꞌe mindemboi mboi na orp enge el.

Revelesen 6:10

Lenge yipihinge titinge miyeꞌ yule luku tambah mah yal hlaꞌ yanange taꞌe leꞌe, “Got, nin Lahmborenge, ŋaiye bepeteme moihlaꞌ, topoꞌe kekep, nin holi, bwore mise supule, topoꞌe nin miyeꞌ mise. Iyai, ŋup yukuriye sai, ŋaiye na iyarꞌe, topoꞌe na ungwisme yitini pupwa el lenge mitiŋ, ŋaiye teter yarp kekep, ŋaiye somohon tinge pwamb poi?”