Revelesen 13:10 - Urat New Testament

¹⁰ Ŋaiye Got ka alaŋatme miyeꞌ ende nange miyeꞌ uku ka el mwahupwaiꞌe pe, kin ka el mwahupwaiꞌe. O ŋaiye Got ka alaŋatme miyeꞌ ende nange lenge miyeꞌ ka yenge ŋim ŋombor yonombe kin pe, ka yenge ŋim ŋombor yonombe kin ka ole. Ŋupe ŋaiye ŋaiꞌe ŋaiꞌe taꞌe luku ka ot pe, lenge miyeꞌ tuweinge tikin Got ka jin bongole, topoꞌe ka yurpe gare ŋoiheryembe mise tinge.

Revelesen 13:10 ပူးပေါင်းရင်းမြစ်များ

Matyu 26:52

Jisas ŋaname jetalah uku na, “Plihe inyer ŋim ŋombor nin el guh luh kin! Lenge miyeꞌ lalme ŋaiye yenge ŋim ŋombor yarmbe pe, ŋim ŋombor uku min ka ende yumbune tinge.

Matyu 7:2

Got se ka iyarꞌe yip ŋahilyeh tuꞌe ŋaiye yip yiyarꞌe lenge miyeꞌ tuweinge syeꞌ. Ŋaiye yip pa yiyarꞌe lenge miyeꞌ tuweinge pe, Got se ka plihe yiyarꞌe yip ŋahilyeh.

Wusyep bwore tikin Luk 21:19

Taꞌe luku pe, pa jin bongole no, pa yambaꞌe laip bwore ŋaiye pa yurp nye nyermbe.”

Kolosi 1:11

Topoꞌe poi misilihme ŋaiye ka yul yip bongol kitikin ŋaiye pa jin bongole, ŋupe ŋaiye pa yambaꞌe hwap pe, ka ende yip pa yurp ŋumwaiye, topoꞌe pa hriphrip.

Hibru 6:12

Poi gwarnge ŋaiye yip pa yende wulmbwai. Kom yip pa tuꞌe lenge miyeꞌ ŋaiye yaŋaꞌe ŋoihmbwaip tinge yalme Got no, tinge yarp ŋumwaiye. Tinge ka yambaꞌe ŋaimune ŋaiye Got si nupwaiꞌe wusyep ŋaiye ka angang lenge.

Revelesen 1:9

Ŋam Jon, tatai yip. Poi lalme mambaꞌe nihe syohe, ŋaiye ŋoihmbwaip poi teŋeime Jisas Krais nom, ya syumbe murp ŋumwaiye meseperhme lemame tikin Got, ŋaiye ka ot. Tinge jarnge ŋam pe, tinge jinyen ŋam nange ma mil ailan Patmos. Detale, ŋam si miche wusyep tikin Got ŋaiye ŋanange, topoꞌe ŋam samb lenge Jisas.

Revelesen 11:18

Lenge haiten miyeꞌ tuweinge pe, ŋoihmbwaip tinge nihme nin, kom ŋup nin, ŋaiye na ende ŋoihmbwaip nihe si nat. Topoꞌe ŋup si nat, ŋaiye na ende wusyep lenge mitiŋ, ŋaiye somohonme yule. Ŋup si nat ŋaiye na angange yitini me lenge miyeꞌ wah nin. Na angange yitini elme lenge profet, topoꞌe lenge miyeꞌ tuweinge embere malaih lalme, ŋaiye holi bwore mise supule, ŋaiye yahraꞌe naŋ nin. Ŋup si nat, ŋaiye na ongomb lenge mitiŋ, ŋaiye yongomb lenge miyeꞌ tuweinge nalꞌe nalꞌe kekep.

Revelesen 14:12

Wusyep eꞌe nal lenge miyeꞌ tuweinge tikin Got no, ka jin bongole. Tinge mitiŋ ŋaiye jande wusyep erŋeme kin, topoꞌe ŋoihmbwaip tinge teŋeime Jisas.

Revelesen 16:6

Somohonme tinge yongombe lenge miyeꞌ tuweinge tikin Got, topoꞌe lenge profet pe, tinge ya yuru yuruꞌe wim sai. Pe tukwini ni plihe nangang lenge wim uku no, ka yonoꞌe. Luku tinge yambaꞌe yitini me ŋaimune ŋaiye tinge si yende.

Revelesen 17:11

Yuwor telpei, ŋaiye somohon kin narp, kom tukwini dindiꞌ leꞌe yukur kin narp pe, kin taꞌe ŋaiye kiŋ syepumbur hun. Kom kin yalh ilyeh tititinge lenge kiŋ syepumbur hoi. Nom kin se ka plihe ole pe, kin ka ambaꞌe nihe syohe pe, kin miꞌe ko.

Revelesen 17:8

Yowor telpei, ŋaiye ŋoinde tikin supule leꞌe, ŋaiye nin si tekeꞌe pe, yerkeime kin narp, kom yukur kin narp tukwini, pakai. Kut sehei tikin, ŋaiye ka ose ŋeheh, ŋaiye tikin yepelmbe gululul na gah nal unuh pe, Got ka asambe ŋoihmbwaip nihe kin elme yowor telpei uku pe, Got ka ende yumbune kin pe, ka ambaꞌe nihe syohe pupwa pe, kin miꞌe ko. Yerkeime, ŋaiye Got yukur ŋende kekep no, lenge miyeꞌ tuweinge, ŋaiye naŋ tinge yukur ŋanar tup laip kin pe, ka yenge plai ŋupe ŋaiye ka yetekeꞌe yowor telpei, ŋaiye ŋoinde tikin supule luku. Yerkeime kin narp nom, tukwini yukur kin narp, pakai. Kom mindemboi ka plihe ot.

Revelesen 2:19

Ŋam sisyeme ŋaiye yarp yip. Ŋam sisyeme ŋaiye yip yende nihararme lenge mitiŋ syeꞌ, topoꞌe ŋoihmbwaip yip teŋeime ŋam. Ŋam sisyeme yaŋah ŋaiye yip yungwisme lenge mitiŋ, topoꞌe ŋoihmbwaip ŋaiye syumbe yarp ŋumwaiye, ŋupe ŋaiye lenge wachaih yal yip nihe syohe. Ŋam sisyeme nange ŋaiꞌe ŋaiꞌe bwore bwore ŋaiye tukwini yip yende pe, ki nengelyembe ŋaiye yerkeime yip yende.

Revelesen 2:2

Ŋam sisyeme nange yip yende wah nihe ŋaiye jande ŋam, Jisas. Yip yukur jarnge ŋaiye pa yikirh mane ŋaiye jande ŋam, Jisas Krais. Ŋam sisyeme nange ŋoihmbwaip yip yukur ŋende nihararme lenge miyeꞌ molohe. Yip si yetekeꞌe yoworme lenge miyeꞌ ŋaiye tinge yanange tinge aposel tikin Jisas, kom tinge yukur aposel tikin Jisas. Pe luku yip si yetekeꞌe lenge yoworme nange tinge miyeꞌ molohe.

Revelesen 3:10

Detale, yip si jande wusyep ŋam bworerme pe, yip jan bongole ŋupe ŋaiye yip ya yoto mane. Taꞌe luku pe, ma menge yip tupwaihme hwap, ŋupe ŋaiye ma mondolꞌme miyeꞌ tuweinge lalme ŋaiye yarp kekep. Pe ma mende lenge ka yambaꞌe nihe syohe ŋembere.

Revelesen 3:3

Ŋoiheryembe wusyep Krais, ŋaiye yip si yisande pe, yende junde, topoꞌe pa yusme ŋoihmbwaip pupwa yip. Ŋaiye yip yukur yende miꞌmiꞌ yarp hlaꞌ jeteme pe, se ma mut tuꞌe ŋaiye miyeꞌ endei, topoꞌe yukur pa se sisyeme ŋup mune, ŋaiye ma mut me yip.