Revelesen 12:2 - Urat New Testament

² Tuwei uku si talahe pe, ti wasande syohe ŋembere sekete, ŋaiye sehei ta waraꞌe talah pe, ti was embere embere sekete.

Revelesen 12:2 ပူးပေါင်းရင်းမြစ်များ

Matyu 24:8

Ŋaiꞌe ŋaiꞌe lalme luku pe, ka ot yer tuꞌe syohe ŋaiye mam ti wasande ŋupe ŋaiye ti da waraꞌe talah.

Wusyep bwore tikin Jon 16:21

Ŋup titi tuwei ŋaiye ti da waraꞌe talah ka ot pe, ti ta ŋoihmbwaip mane supule ŋaiye ta wambaꞌe nihe syohe. Kom ŋupe ŋaiye ti si waraꞌe talah miꞌe pe, ti ŋoihsipe ŋoihmbwaip mane, topoꞌe nihe syohe luku. Kom ti hriphrip ŋaiye ti si waraꞌe talah wat wal kekep eꞌe.

Galesia 4:19

Lenge talah ŋam ŋaiye ŋam mende nihararme! Ŋam mambaꞌe syohme yip ŋahilyeh taꞌe ŋaiye tuwei de ta waraꞌe talah. Detale, ŋam masande ŋaiye pa yurp ŋahilyeh tuꞌe Krais.

Galesia 4:27

Wusyep tikin Got ŋanange na, Nin tuwei ŋaiye gan pakaiye yukur ŋaraꞌe talah pe, na hriphrip. Na tambah topoꞌe na hriphrip osoko wenersep ŋaiye nin yukur ŋaraꞌe talah, pakai. Detale, nin na hriphrip ŋaiye nin talah wula wula engelyembe tuwei ŋaiye si windiꞌe miyeꞌ.

Revelesen 12:4

Kin nenge mondom kin ŋuhwarnge lenge wutukun syeꞌ tikin moihlaꞌ, ŋaiye tinge si yiyarꞌe lenge dom hun pe, ŋiche dom ende na gah kekep. Kut dom hoi teter yarp yanah moihlaꞌ. Hwaŋ uku gan ŋembep tuwei, ŋaiye da waraꞌe talah nange ŋupe ŋaiye ta waraꞌe pe, ka ono talah uku.