Matyu 6:9 - Urat New Testament

⁹ Pa yininge wusyep topoꞌme kin tuꞌe leꞌe, Yai poi, nin narp nanah moihlaꞌ, naŋ nin ki yirise supule.

Matyu 6:9 ပူးပေါင်းရင်းမြစ်များ

Matyu 10:29

Lenge miyeꞌ tatame ka yiche wuhyau ŋeser talah ende ŋaiye ka yambaꞌe ŋinjet mekerep hoi. Kom Yai yip kin bepteme lenge ŋinjet uku bworerme. Topoꞌe Got kin sisyeme ŋup tikin ŋinjet ilyeh ilyeh ŋaiye ka tumbe e guh kekep.

Matyu 23:9

Topoꞌe yukur pa jilme lahende ŋaiye narp kekep eꞌe nange Yai. Detale, Yai ilyeh kin narp nanah moihlaꞌ.

Matyu 26:29

Ŋam mana yip bwore mise! Ŋam yukur ma plihe monoꞌe wain eꞌe mil tutume ŋupe ŋaiye ma plihe monoꞌe wain ambaran motop yip murp moto lemame tikin Yai ŋam.”

Matyu 26:42

Jisas plihe nal ninde pe, kin ŋanange wusyep ŋisilihme Got taꞌe leꞌe, “Yai ŋam! Ŋaiye yukur ma tupwaihme yukoh ŋaiye nihe syohe no, ma monoꞌe pe, liki ende gunde ŋasande nitei.”

Matyu 5:16

Ki ŋahilyeh me yirise ŋaiye sai me yip iki ka aŋarꞌe guh ŋembep lenge miyeꞌ tuweinge no, ka yetekeꞌe ŋaiꞌe ŋaiꞌe bwore bwore ŋaiye yip yende. Pe ka yirisukwarme yai yip ŋaiye narp nanah moihlaꞌ.”

Matyu 5:48

Yip pa yurp bwore bwarme miꞌ supule tuꞌe Yai yip ŋaiye narp bwore bwarme miꞌ supule nanah moihlaꞌ.”

Matyu 6:14

Yusyunde! Ŋaiye pa yusme pupwa lenge mitiŋ ŋaiye yende hwap yatme yip pe, Yai yip ŋaiye narp nanah moihlaꞌ ka ongohe pupwa yip ŋaiye yende topoꞌe.

Matyu 6:6

Kom ŋupe ŋaiye nin da ininge wusyep topoꞌme Got pe, e oto luh ende nato yukoh ŋaiye ni ŋilyehme narp pe, na ininge wusyep topoꞌme Yai nin ŋaiye kin narp tase. Pe Yai nin si ŋetekeꞌe ŋaimune ŋaiye sai tase pe, se ka yule yitini.

Matyu 7:11

Yip lenge yai yende hwap sekete, kom yip sisyeme ŋaiye yangange ŋaiꞌe ŋaiꞌe bwore bwore yalme talah yip. Yai yip ŋaiye narp nanah moihlaꞌ pe, kin nengelyembe yip pe, se ka angange ŋaiꞌe ŋaiꞌe bwore bwore el lenge lahmende ŋaiye yisilihme kin.

Wusyep bwore tikin Luk 15:18

Taꞌe luku pe, ma plihe milme yai ŋam pe, ma minime kin na, “Ŋam si mende pupwa malme ŋembep tikin Got topoꞌme nin.

Wusyep bwore tikin Luk 15:21

Pe talah ŋaname yai kin na, ‘Yai, ŋam si mende pupwa mal ŋembep tikin Got topoꞌme nin. Ŋam pupwa supule, topoꞌe yukur bwore tatame ŋaiye na gil ŋam talah nin.’

Wusyep bwore tikin Luk 2:14

“Yirisukwarme Got nanah moihlaꞌ! Kin ka angange ŋoihmbwaip michukor el lenge miyeꞌ tuweinge na gah kekep ŋaiye ki hriphrip me tinge.”

Wusyep bwore tikin Jon 20:17

Jisas ŋaname ti na, “Yukur na orpe wahriꞌ ŋam. Tehei kin taꞌe leꞌe, ŋam teter yukur malme Yai ŋam, pakai. Kom na plihe el lenge toꞌ yuwon ŋam pe, na ini lenge tuꞌe leꞌe, ŋam ma mil munuh hlaꞌ milme Yai ŋam topoꞌe Yai yip ŋaiye Got ŋam, topoꞌe Got yip.”

Pol nainge tup nal lenge Rom 1:7

Taꞌe luku pe, ŋam mainge wusyep eꞌe malme yip lenge miyeꞌ tuweinge tikin Got ŋaiye kin si ŋende nihararme yip ŋaiye yarp Rom. Topoꞌe kin si nalaŋatme yip ŋaiye pa yurp tuꞌe miyeꞌ tuweinge kitikin. Got Yai poi hindi Lahmborenge Jisas Krais ka yul yip ŋoih miꞌmiꞌ, topoꞌe ŋoihmbwaip ŋumwaiye.

Pol nainge tup nal lenge Rom 8:15

Ŋaimune ŋaiye Yohe Yirise tikin Got yal yip pe, yukur ka ende yip pa yurp tuꞌe miyeꞌ wah, topoꞌe ki ŋende yip ŋaiye pa hiꞌ worhe, pakai. Yohe Yirise tikin Got ŋende yip yarp taꞌe talah kin. Topoꞌe Yohe Yirise pwal poi bongol pe, poi tambah manange wusyep malme Got na, “Aba, Yai poi.”

Galesia 1:1

Ŋam Pol, ŋam aposel ende. Ŋupe ŋaiye ŋam mambaꞌe wah taꞌe aposel pe, yukur mitiŋ syeꞌ topoꞌe miyeꞌ kekep yalaŋatme ŋam, pakai. Kom Jisas Krais hindi Yai Got, ŋaiye ŋahraꞌe Krais nasme ŋeheh tahar narp pe, tinge yalaŋatme ŋam.

Galesia 4:6

Taꞌe na, yip topoꞌe poi si marp taꞌe talah tikin Got pe, Got nember Yohe Yirise tikin Talah nate ŋoto ŋoihmbwaip poi lalme pe, tukwini ya lalme gwilme kin tuꞌe leꞌe, “Aba, Yai”.

1 Timoti 6:16

Kin Got ŋaiye yukur nule. Kin narp nato yirise ŋaiye tikin yirise supule pe, yukur ya se mil sehei me kin, pakai. Yukur lahende ŋetekeꞌe kin, topoꞌe lahmende yukur tatame ŋaiye ka etekeꞌe kin. Taꞌe luku pe, nye nyermbe ya mahraꞌe naŋ kin, topoꞌe bongol kin ka si nye nyermbe. Mise.

1 Pita 1:17

Ŋupe ŋaiye yip yende pa yisilihme pe, yip pa jilme Got yai yip. Kin miyeꞌ ŋaiye mindemboi ka iyarꞌe lenge miyeꞌ tuweinge lalme ŋilyeh ilyeh tutume gunde wah mune ŋaiye tinge yende yarp kekep eꞌe. Taꞌe luku pe, yende wah bwore mise, topoꞌe hiꞌjirnge Got ŋaiye teter pa yurp kekep eꞌe.

Revelesen 4:11

Lahmborenge! Nin Got poi. Nin ŋilyehe sai, nin narp nanah hlaꞌ supule. Lenge miyeꞌ tuweinge lalme ka hriphrip me nin, topoꞌe yirisukwarme nin, topoꞌe yule naŋ embere yilme nin, ŋaiye nin bongol supule. Detale, nin ŋilyehe sai, nin ŋende ŋaiꞌe ŋaiꞌe lalme, ŋaiye sai tukwini dindiꞌ leꞌe gande ŋasande nitei.

Revelesen 5:12

Tinge lalme luku yosoko wenersep marnge yal hlaꞌ na, Worsip Talah, nin ŋilyehe sai ŋaiye narp nanah hlaꞌ pe, somohon tinge yambe pe, nin nule. Poi ya mahraꞌe naŋ mirisukwarme nin. Detale, nin yirise, bongol supule, topoꞌe nin miyeꞌ lowe, topoꞌe sande tekeꞌe nin ŋembere sekete, topoꞌe nin na ambaꞌe naŋ embere, topoꞌe ŋoih miꞌmiꞌ tikin Got sai me nin.