Matyu 5:6 - Urat New Testament

⁶ Lenge miyeꞌ tuweinge ŋaiye yende nihararme ŋaiye ka yende ŋaiꞌe ŋaiꞌe bwore bwarme jande ŋoihmbwaip tikin Got pe, tinge ka hriphrip. Detale, Got se ka ungwis lenge ŋaiye ka yende ŋaiꞌe ŋaiꞌe junde ŋasande kin.

Matyu 5:6 ပူးပေါင်းရင်းမြစ်များ

Wusyep bwore tikin Luk 1:53

Kin nangange ŋai nal lenge ŋaipwa ŋiꞌ, kut kin ginyen lenge miyeꞌ lowe yenge syep pakaiye yal.

Wusyep bwore tikin Luk 6:21

Yip lahmende ŋaiye tukwini nimbot yamb yip pe, yip si yarp bwore. Detale, ŋup ende yip pa yono ŋai tapam supule. Yip lahmende ŋaiye tukwini yilil pe, yip si yarp bwore. Detale, ŋup ende yip pa yesenet.

Wusyep bwore tikin Luk 6:25

Ŋoihme yip lahmende ŋaiye tukwini si yono ŋai tapam! Detale, ŋup ende nimbot embere se ka yumb yip. Ŋoihme yip lahmende ŋaiye tukwini yesenet. Detale, yip se pa yilil embere sekete.

Wusyep bwore tikin Jon 4:14

Kut lahmende ka onoꞌe pinip ŋaiye ma maŋaꞌe kin pe, yukur ka plihe usyunde wonge salah. Pinip ŋaiye ma maŋaꞌe pe, ka tuꞌe pinip ŋeheh ŋaiye ka si el oto kin. Pinip uku ka tus tus nye nyermbe pe, ka aŋaꞌe laip ŋaiye sai nye nyermbe.”

Wusyep bwore tikin Jon 6:27

Yip yukur pa yende wah ŋaiye yambaꞌe ŋai ŋaiye ka pupwa! Napakai! Yip pa yende wah ŋaiye yambaꞌe ŋai tikin laip bwore ŋaiye sai nye nyermbe. Leꞌe ŋai ŋaiye Talah tikin Miyeꞌ ka yul yip. Detale, Got Yai si naŋaꞌe wutuꞌ me kin ŋaiye ka ende tuꞌe luku.”

Wusyep bwore tikin Jon 7:37

Ŋup yuwo ŋaiye ŋup embere tikin lotu luku nala miꞌe pe, Jisas tahar gan hlaꞌ pe, kin tambah marnge nal hlaꞌ ŋanange na, “Lahmende ŋaiye wonge salah pe, ka otme ŋam ŋaiye ka onoꞌe pinip.

Revelesen 7:16

Yukur tatame ŋaiye nimbot ka ongomb lenge, topoꞌe ka se yusyunde wonge salah lakai ŋau ka oworꞌe nihe guh gut lenge, pakai.