Matyu 5:4 - Urat New Testament

⁴ Lenge miyeꞌ tuweinge ŋaiye yilil yarp pe, tinge ka hriphrip. Detale, Got se ka angange ŋoihmbwaip ŋumwaiye.

Matyu 5:4 ပူးပေါင်းရင်းမြစ်များ

Wusyep bwore tikin Luk 16:25

Kom Abraham ŋaname na, ‘Talah ŋam, te ŋoiheryembe, somohonme ŋaiye nin narp kekep pe, nin nambaꞌe ŋaiꞌe ŋaiꞌe bwore bwore, kut Lasarus nambaꞌe ŋaiꞌe ŋaiꞌe pupwa. Kom tukwini pe, kin narp hriphrip embere sekete, kut nin nambaꞌe nihe syohe supule.

Wusyep bwore tikin Luk 6:21

Yip lahmende ŋaiye tukwini nimbot yamb yip pe, yip si yarp bwore. Detale, ŋup ende yip pa yono ŋai tapam supule. Yip lahmende ŋaiye tukwini yilil pe, yip si yarp bwore. Detale, ŋup ende yip pa yesenet.

Wusyep bwore tikin Luk 6:25

Ŋoihme yip lahmende ŋaiye tukwini si yono ŋai tapam! Detale, ŋup ende nimbot embere se ka yumb yip. Ŋoihme yip lahmende ŋaiye tukwini yesenet. Detale, yip se pa yilil embere sekete.

Wusyep bwore tikin Luk 7:38

Ti wa gwan teket Jisas wilil embere sekete pe, bep pinip ti na gah ŋihip kin. Pe ti wenge dohwaih ti wihyete bep pinip ŋaiye si na gah ŋihip kin pe, ti wuruꞌe pinip winyeꞌ ŋaiye naihe sengehrepe gwah ŋihip kin, topoꞌe ti wirirme ŋihip kin.

Wusyep bwore tikin Luk 7:50

Kom Jisas ŋaname tuwei uku na, “Ŋoihmbwaip nin teŋeime ŋam ti, kin nongohe pupwa ŋoihmbwaip nin. Taꞌe luku pe, el topoꞌe ŋoihmbwaip ŋumwaiye.”

Jems 1:12

Got ka ende miꞌme lenge miyeꞌ tuweinge ŋaiye yarp ŋumwaiye ŋupe ŋaiye ŋondolꞌme natme tinge. Detale, mindemboi se ka yambaꞌe laip bwore ŋaiye Got somohonme ŋupwaiꞌe wusyep me lahmende ŋaiye yende nihararme kin.

Revelesen 21:4

Kin ka ihyete ŋembep pinip lalme, ŋaiye sai ŋembep tinge. Pe lenge miyeꞌ tuweinge yukur ka plihe yule. Pe yukur tinge ka plihe yusyunde ŋoihmbwaip mane embere embere no, ka yilil, pakai supule. Topoꞌe yukur ka plihe yambaꞌe nihe syohe. Detale, ŋaiꞌe ŋaiꞌe lalme, ŋaiye somohonme luku yukur ka plihe si dindiꞌe leꞌe, miꞌe ko.”