Matyu 12:36 - Urat New Testament

³⁶ Kom ŋam mana yip, ŋup yuwo ŋaiye Got ka iyarꞌe lenge miyeꞌ tuweinge lalme pe, Got se ka ŋoiheryembe el wusyep lalme ŋaiye lenge miyeꞌ tuweinge ilyeh ilyeh yanange pe, ka iyarꞌe tinge.

Matyu 12:36 ပူးပေါင်းရင်းမြစ်များ

Matyu 10:15

Ŋam mana yip bwore mise, ŋup yuwo ŋaiye Got se ka ende wusyep me lenge miyeꞌ tuweinge ŋaiye yarp moi uku pe, nihe syohe ŋaiye ka yambaꞌe pe, ki nengelyembe lenge miyeꞌ tuweinge ŋaiye yarp Sodom topoꞌe Gomora.”

Matyu 11:22

Kom ŋam mana yip bwore mise, ŋup yuwo ŋaiye Got ka iyarꞌe lenge miyeꞌ tuweinge lalme pe, Got se ka ŋoihginir sikirp lenge miyeꞌ tuweinge ŋaiye yarp Tair topoꞌe Saidon. Kut ŋaiye yip lope, pakai supule!

Matyu 12:37

Wusyep nitei ŋaiye ŋanange luku pe, Got se ka iyarꞌe nin gunde wusyep nin uku ŋaiye nin miyeꞌ bwore lakai nin miyeꞌ pupwa.

Pol nainge tup nal lenge Rom 14:12

Taꞌe luku pe, poi sisyeme nange Got se ka ende wusyep kot me poi ilyeh ilyeh gunde ŋaimune ŋaiye poi mende.

Pol nainge tup nal lenge Rom 2:16

Wusyep bwore leꞌe ŋaiye ŋam manange malaŋatme pe, ki taꞌe leꞌe. Ŋup ende ka ot ŋaiye Got ka iyarꞌe ŋaimune ŋaiye lenge miyeꞌ tuweinge yende tase. Kom wah ŋaiye yiyarꞌe lenge miyeꞌ tuweinge ilyeh ilyeh jande ŋaimune ŋaiye tinge ŋoiheryembe sai tase pe, wah uku Got ka aŋaꞌe elme Jisas Krais.

Jems 3:6

Mut poi pe, ki taꞌe ŋaiye nih pe, ki kasar nih tikin hel. Wahriꞌ lombo luku pe, ki ŋende ŋaiꞌe ŋaiꞌe pupwa ŋende yumbune laip poi, topoꞌe marp gwahilyeh poi.

Revelesen 20:12

Pe ŋam plihe metekeꞌe lenge miyeꞌ tuweinge ŋaiye yule lalme, lenge mitiŋ, ŋaiye yambaꞌe naŋ embere, topoꞌe lenge mitiŋ paka pakaiye yate jan sehei me luh yilihe. Pe lenge walip hlaꞌ yisilme tup ŋendehei, ŋaiye somohonme Got nainge ŋaimune tetehei, ŋaiye lenge miyeꞌ tuweinge yende. Miꞌe pe, tinge plihe yisilme tup ŋoinde, ŋaiye somohonme Got nainge naŋ lenge miyeꞌ tuweinge ŋaiye kin nalaŋatme, ŋaiye ka yotop kin yurp laip nye nyermbe. Pe Got ŋetekeꞌe wusyep, ŋaiye sai tup uku pe, kin ŋiyarꞌe lenge miyeꞌ tuweinge ŋaiye yule lalme luku gande ŋaiꞌe ŋaiꞌe tetehei lalme, ŋaiye somohonme tinge yende.