Matyu 10:5 - Urat New Testament

⁵ Jisas nember lenge miyeꞌ syepumbur umbur hoi uku yal pe, kin syep erŋem lenge ŋanange na, “Pa yil, kom yukur pa yininge yalaŋatme wusyep yil lenge haiten miyeꞌ tuweinge. Topoꞌe yukur pa yininge yalaŋatme wusyep yoto moi embere syeꞌ ŋaiye sai nat Samaria.

Matyu 10:5 ပူးပေါင်းရင်းမြစ်များ

Matyu 22:3

Kin nember lenge miyeꞌ wah kin ŋaiye ka yi yini lenge miyeꞌ ŋaiye kin nalaŋatme nange ka yut ŋai embere ŋaiye dindiꞌ uku. Kom tinge jarnge ŋaiye ka yut.

Matyu 4:15

Lenge miyeꞌ tuweinge tikin kekep ŋaiye bamtihei Sebulun topoꞌe lenge miyeꞌ tuweinge tikin kekep ŋaiye bamtihei Naptali pe, kekep uku sai siheime ŋahwikin embere ŋaiye gande ŋoloh tikih, topoꞌe kekep sai mih umbur Jordan. Luku kekep tikin distrik Galili pe, lenge haiten syeꞌ yarp.

Wusyep bwore tikin Mak 6:7

Kin galme jetalah 12 kin yat pe, kin nember lenge miyeꞌ hoi hoi yal ŋaiye ka yininge wusyep. Pe kin nangange lenge bongol nange ka yil jinyenme lenge yipihinge pupwa.

Wusyep bwore tikin Luk 10:1

Luku miꞌe pe, Lahmborenge nalaŋatme miyeꞌ 72 topoꞌe pe, kin nember lenge yal hoi hoi nange ka yil yerme kin yil moi embere lalme, topoꞌe moi malaih ŋaiye kin nala el.

Wusyep bwore tikin Luk 10:33

Kom miyeꞌ ende tikin provins Samaria, wachaih lenge Juta, plihe nal yaŋah ilyeh uku pe, kin nate ŋetekeꞌe kin pe, ŋoihmbwaip kin ginirme kin supule.

Wusyep bwore tikin Luk 17:16

Pe ki na gah tumbuhuroroꞌe gah kekep siheime ŋihip Jisas hriphrip irisukwarme kin embere sekete.

Wusyep bwore tikin Luk 9:1

Jisas gal lenge aposel 12 kin yate jahilyeh pe, kin nangange lenge naŋ embere topoꞌe bongol ŋaiye ka jinyenme yipihinge pupwa, topoꞌe ka yende miꞌme wahriꞌ epwa.

Wusyep bwore tikin Luk 9:2

Miꞌe pe, kin nember lenge yal ŋaiye ka yiche wusyep me lemame tikin Got, topoꞌe ka yende miꞌme wahriꞌ epwa lenge miyeꞌ tuweinge.

Wusyep bwore tikin Jon 17:18

Ŋam member lenge mal kekep lalme ŋahilyeh, taꞌe ŋaiye nin nember ŋam nate gah kekep.

Wusyep bwore tikin Jon 20:21

Jisas plihe ŋana lenge na, “Ŋoihmbwaip yip ka syumbe tihiꞌ ŋumwaiye. Ki taꞌe ŋaiye Yai nember ŋam mat pe, ŋam plihe member yip mal.”

Wusyep bwore tikin Jon 4:20

Lenge mwan kaꞌ ŋam Samaria yahraꞌe naŋ yirisukwarme Got yarp hwate leꞌe. Kom yip lenge Juta yanange nange Jerusalem, ki moi luh ŋaiye poi ya mirisukwarme Got.”

Wusyep bwore tikin Jon 4:5

Nato Samaria pe, kin nal gere moi embere ende ŋaiye tinge jalme Sikar. Moi Sikar ki sai sehei me kekep ŋaiye Jekop somohon naŋaꞌe talah kin Josep.

Wusyep bwore tikin Jon 4:9

Tuwei ti gunguru plai. Detale, lenge Juta yukur jahilyeh topoꞌe lenge Samaria. Pe ti wungwisme wusyep Jisas na, “Nin Juta, kut ŋam tuwei Samaria leꞌe. Detaꞌe lai ŋaiye nin ŋisilih ŋam nange ma yule pinip na onoꞌe?”

Wusyep bwore tikin Jon 7:35

Lenge miyeꞌ embep lenge Juta yanange na, “Kin ka el lai ti, poi yukur tatame ya metekeꞌe kin? Taꞌe kin ka el lenge bamtihei poi ŋaiye yarp yoto kekep Grik? Pe taꞌe se ka ininge asamb lenge wusyep el lenge Grik, lakai?

Wusyep bwore tikin Jon 8:48

Lenge Juta yiniꞌe Jisas na, “Poi manange bwore mise ŋaiye nin miyeꞌ Samaria, topoꞌe yipihinge pupwa ende narp nato nin pe, luku ki bwore mise lakai?”

Aposel 1:8

Kom ŋupe ŋaiye Yohe Yirise ka guhunuhme yip pe, yip pa papararme bongol tikin Got pe, pa yininge wusyep ŋam yilꞌe yilꞌe yi yoto Jerusalem, topoꞌe moi lalme ŋaiye sai nato Judia, topoꞌe Samaria, topoꞌe moiye moiye ŋaiye kekep lalme.”

Aposel 10:45

Kom ŋupe ŋaiye lenge miyeꞌ titinge Juta ŋaiye tikin Krais ŋaiye yotop Pita yase Jopa yat pe, tinge yasande lenge haiten yanange wusyep ŋimeser wula wula ŋoinde tikin, topoꞌe tinge yirisukwarme Got pe, tinge gunguru plai ŋaiye Got si ŋember yitini tikin Yohe Yirise nate gahme tinge. Miꞌe pe, Pita ŋanange na,

Aposel 8:1

Sol narp eꞌe pe, kin hriphrip ŋaiye tinge yonombe Stiven no, kin nule.

1 Tesalonaika 2:16

Tinge da yotombo wah poi nange yukur ya mininge malaŋatme wusyep tikin Got mil lenge haiten no, ka ungwis me tinge. Hwap ŋaiye tinge yende pe, ki ŋembere supule tataꞌ tataꞌ nanah hlaꞌ. Pe ŋoihmbwaip nihe tikin Got ki embere sekete me tinge.