Matyu 1:22 - Urat New Testament

²² Ŋaiꞌe ŋaiꞌe lalme luku kin nate tas gande wusyep Got ŋaiye tas mut lenge profet na,

Matyu 1:22 ပူးပေါင်းရင်းမြစ်များ

Matyu 12:17

Kin ŋende ŋai uku bwore mise gande wusyep ŋaiye Got ŋanange nat mut profet Aisaia.

Matyu 13:21

Kom wusyep uku yukur kin nangah tahaiꞌ ŋoihmbwaip bumbe kin, topoꞌe yukur ki tahaiꞌ gwaingwai. Ŋoihmbwaip kin yukur teŋeime Got bongol pe, lenge wachaih titinge Kristen yaŋaꞌe nihe syohe pe, ka ende yumbune kin. Taꞌe luku pe, nilyehe sai kin tambe.

Matyu 13:35

Kin ŋende ŋai uku gande wusyep ende ŋaiye somohon profet ŋanange nalaŋatme na, Ŋupe ŋaiye ma mininge wusyep milme yip pe, ma mininge wusyep tapimbilme ŋilyehme. Ŋam ma mini yip gondoume wusyep me ŋaiꞌe ŋaiꞌe ŋaiye somohonme sai tase dindiꞌ ŋupe ŋaiye kekep ŋendeheiyeh nate sai nate tatame tukwini.

Matyu 2:15

Tinge yarp Isip yal tatame ŋaiye Herot nule. Ŋaiꞌe ŋaiꞌe luku ki gande wusyep tikin Lahmborenge ŋaiye ŋanange nat mut lenge profet, “Ŋam gwalme talah ŋam ŋaiye ka ote tus osme Isip.”

Matyu 2:23

Kin nal narp moi ŋaiye tinge jalme Nasaret. Taꞌe luku pe, wusyep ŋaiye lenge profet yanange pe, kin bwore mise. Tinge yanange na, Ka jilme kin nange kin miyeꞌ tikin Nasaret.

Matyu 5:17

“Yip yukur pa ŋoiheryembe nange ŋam mat ŋaiye ma gwenyenme wusyep erŋeme tikin Moses topoꞌe wusyep titinge profet, pakai. Ŋam yukur mat ŋaiye ma gwinyenme wusyep uku, ŋam mat ŋaiye ma moworꞌe member wusyep tehei uku mil halhale.

Matyu 8:17

Kin ŋende ŋai uku gande wusyep tikin Got ŋaiye ŋanange nat mut tikin profet Aisaia na, Kin nambaꞌe wahriꞌ epwa poi uku pe, kin ginyenme wahriꞌ epwa nal miꞌe ko.

Wusyep bwore tikin Luk 21:22

Detale, ŋup uku pe, ŋup tikin Got ŋaiye ka tungwisme wachaih tuꞌe ŋaiye wusyep tikin Got si ŋanange.

Wusyep bwore tikin Luk 24:44

Miꞌe pe, ki ŋana lenge na, “Ŋaiꞌe ŋaiꞌe luku ŋaiye misei, somohon ŋende me ŋam pe, kin gande wusyep ŋaiye somohonme ŋam mana yip ŋupe ŋaiye ŋam teter motop yip marp. Ŋam si mana yip nange ŋaiꞌe ŋaiꞌe lalme se ka tus gunde wusyep erŋeme tikin Moses, wusyep lenge profet, topoꞌe tup Wenersep ŋaiye sai nato Tup tikin Got.”

Wusyep bwore tikin Jon 10:35

Poi sisyeme nange wusyep ŋaiye sai nato Tup tikin Got, ki bwore mise supule, topoꞌe yukur ki bunje bunjenge. Topoꞌe somohon Got nangange wusyep erŋeme nal me lenge miyeꞌ embep titinge Juta pe, kin gal lenge nange tinge taꞌe got.

Wusyep bwore tikin Jon 15:25

Tinge yende ŋaiꞌe ŋaiꞌe ya yanah yikilꞌe wusyep ende ŋaiye sai nato wusyep erŋeme tinge ŋaiye ŋanange taꞌe leꞌe, ‘Lenge miyeꞌ yende wachaihme ŋam paka pakaiye supule.’

Wusyep bwore tikin Jon 17:12

Ŋupe ŋaiye ŋam marp motop tinge pe, ŋam membepteme lenge moto bongol ŋaiye ni pwale. Ŋam bep merŋenge tinge bworerme pe, lahende tinge yukur talai. Kut kin miyeꞌ esep ilyeh tikin hel pe, ka talai. Luku ki gande wusyep nin ŋaiye sai tup ki mise.

Wusyep bwore tikin Jon 18:9

Kin ŋende ŋai uku ŋanah nikilꞌe wusyep, ŋaiye somohon kin ŋanange, “Yai, lenge miyeꞌ ŋaiye nin si pwale ŋam uku pe, lahende tinge yukur talai.”

Aposel 3:18

Got somohonme ŋanange wusyep kin nal me lenge profet kin ŋaiye mindemboi Miyeꞌ alaŋatme Krais ka ambaꞌe nihe syohe pe, ka ole.

Pol nainge tup nal lenge Rom 1:2

Wusyep bwore mise luku ŋaiye ŋende lenge miyeꞌ tuweinge ka hriphrip pe, yerkeime Got nupwaiꞌe ŋotop lenge profet kitikin pe, tinge yainge wusyep bwore mise luku ya jah tup holi bwore mise supule tikin Got.

Revelesen 17:17

Detale, Got si nangange ŋoihmbwaip nalme lenge kiŋ syepumbur umbur uku, ŋaiye ka yende ŋaimune junde ŋasande kin. Pe tinge lenge kiŋ uku ka tapam ilyeh, ŋaiye ka yaŋaꞌe bongol tinge yilme yuwor telpei, ŋaiye ŋoinde tikin supule. Tinge ka junde wusyep yuwor telpei, ŋaiye ŋoinde tikin supule yi tutume, ŋaiye wusyep tikin Got ka teŋei esep.